गैंडाकोट । गैंडाकोट नगरपालिकाका प्रमुख छत्रराज पौडेल आफै सरसफाईमा खटिनुभएको छ । शनिबार बिहान पूर्व–पश्चिम राजमार्गको गैंडाकोट खण्डमा सडक किनारामा टाँटिएका अव्यवस्थित फ्लेक्स, पोष्टर हटाउन प्रमुख पौडेल खटिनु भएको हो ।
सफा सुन्दर हरियाली गैडाकोट निरन्तर शनिबार अभियानको १६ औं श्रृङ्खला अन्तर्गत भएको सरसफाई तथा वृक्षारोपण कार्यक्रममा नगरप्रमुखसँगै उपप्रमुख विष्णुकुमारी कँडेल र गैडाकोटका सरसफाई तथा हरियाली अभियानका अभियान्ताहरु सहभागी हुनुहुन्थ्यो । सडक छेउछाउका पोलमा टाँगिएका अव्यवस्थित फ्लेक्सले नगरलाई कुरुप बनाएको भन्दै गैडाकोटमा फ्लेक्स हटाउने अभियान सुरु गरिएको हो ।
प्रमुख पौडेलले गैडाकोटलाई सफा र सुन्दर शहरका रुपमा विकास गर्न अव्यवस्थित फ्लेक्स हटाइएको बताउनुभयो । उहाँले नगरपालिकासँग समन्वयनै नगरी फ्लेक्स राख्ने गरिएको बताउँदै फ्लेक्स राख्ने तर हटाउने तर्फ कसैले ध्यान नदिँदा त्यसले नगर कुरुप बनाएको बताउनुभयो । उहाँले सडक छेउकै फ्लेक्सकै कारण दुर्घटना समेत बढेको बताउनुभयो ।
अभियानलाई निरन्तरता दिइने भन्दै उहाँले नगरपालिकाको समन्वय विना पुनः फ्लेक्स राखे कारवाही गर्ने चेतावनी दिनुभयो ।
श्रृङ्खला अन्तर्गत वृक्षारोपण र फ्लेक्स हटाउने काम गरिएको कार्यक्रमका संयोजक गणेश सापकोटाले जानकारी दिनुभयो । उहाँले हप्ताएको एक दिन एक घण्टा समाजका लागि दिने उद्देश्यले अभियान सञ्चालन गरिएको बताउनुभयो । १६ औं श्रृङ्खलासम्म आइपुग्दा यसमा जोडिनेहरुको सङख्या बढ्दै गएको छ ।
गैंडाकोट । गैंडाकोट नगरपालिकाका प्रमुख छत्रराज पौडेल आफै सरसफाईमा खटिनुभएको छ । शनिबार बिहान पूर्व–पश्चिम राजमार्गको गैंडाकोट खण्डमा सडक किनारामा टाँटिएका अव्यवस्थित फ्लेक्स, पोष्टर हटाउन प्रमुख पौडेल खटिनु भएको हो ।
सफा सुन्दर हरियाली गैडाकोट निरन्तर शनिबार अभियानको १६ औं श्रृङ्खला अन्तर्गत भएको सरसफाई तथा वृक्षारोपण कार्यक्रममा नगरप्रमुखसँगै उपप्रमुख विष्णुकुमारी कँडेल र गैडाकोटका सरसफाई तथा हरियाली अभियानका अभियान्ताहरु सहभागी हुनुहुन्थ्यो ।
सडक छेउछाउका पोलमा टाँगिएका अव्यवस्थित फ्लेक्सले नगरलाई कुरुप बनाएको भन्दै गैडाकोटमा फ्लेक्स हटाउने अभियान सुरु गरिएको हो ।
प्रमुख पौडेलले गैडाकोटलाई सफा र सुन्दर शहरका रुपमा विकास गर्न अव्यवस्थित फ्लेक्स हटाइएको बताउनुभयो । उहाँले नगरपालिकासँग समन्वयनै नगरी फ्लेक्स राख्ने गरिएको बताउँदै फ्लेक्स राख्ने तर हटाउने तर्फ कसैले ध्यान नदिँदा त्यसले नगर कुरुप बनाएको बताउनुभयो । उहाँले सडक छेउकै फ्लेक्सकै कारण दुर्घटना समेत बढेको बताउनुभयो ।
अभियानलाई निरन्तरता दिइने भन्दै उहाँले नगरपालिकाको समन्वय विना पुनः फ्लेक्स राखे कारवाही गर्ने चेतावनी दिनुभयो ।
श्रृङ्खला अन्तर्गत वृक्षारोपण र फ्लेक्स हटाउने काम गरिएको कार्यक्रमका संयोजक गणेश सापकोटाले जानकारी दिनुभयो । उहाँले हप्ताएको एक दिन एक घण्टा समाजका लागि दिने उद्देश्यले अभियान सञ्चालन गरिएको बताउनुभयो । १६ औं श्रृङ्खलासम्म आइपुग्दा यसमा जोडिनेहरुको सङख्या बढ्दै गएको छ ।