सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

बन्दबाट शैक्षिक संस्था सबैभन्दा बढी प्रभावित, गुडिरहेको ट्रकमा पेट्रोल बम प्रहार


  •    /१५ श्रावण २०७६, बुधबार १०:३१ 
  • चितवन । विप्लव नेतृत्वको नेपाल कम्युनिष्ट पार्टीको आह्वानमा भएको बन्दका कारण आज साविकका बागमति, नारायणी र जनकपुरका रामेछाप र दोलखा जिल्लाको जनजीवन प्रभावित भएको छ । उसले उपत्यका ब्यूरो इन्चार्ज तथा साँस्कृतिक मोर्चाका इन्चार्ज माइला लामालगायत आफ्ना कार्यकर्तालाई सरकारले गिरफ्तार गरेको विरोधमा बन्द आह्वान गरेको विज्ञप्तिमार्फत जनाएको छ ।

    बन्दले सङ्घीय राजधानी काठमाडौँ उपत्यका तथा चितवनको जनजीवन आंशिक प्रभावित भएको छ । प्रदेश नम्वर ३ को राजधानी हेटौँडालगायतका केही जिल्लामा भने बन्दको प्रभाव बढी देखिएको छ ।

    काठमाडौँबाट बाहिरिने लामो दुरीका सवारीसाधन फाट्टफुट्ट मात्र चलेका छन् । उपत्यकाभित्र भाडाका तथा नीजि सवारीसाधन कम चलिरहेका छन् । काठमाडौँ बाहिरका जिल्लामा पनि भाडाका सवारीसाधन तथा नीजि सवारीसाधन निकै कम चलेका छन् । सार्वजनिक सवारीसाधन नपाउँदा सर्वसाधारणले सास्ती भोग्नुपरेको छ ।

    बन्द घोषणा गरिएका क्षेत्रमा शैक्षिक संस्था ठप्प छन् । बन्दले शैक्षिक संस्था सबैभन्दा बढी प्रभावित भएका छन् । लाखौँ विद्यार्थी पढ्न पाउने नैसर्गिक अधिकारबाट बञ्चित भएका छन् ।

    बन्द घोषित क्षेत्रका कलकारखाना, उद्योगधन्दा पनि चल्न सकेका छैनन् । बजार क्षेत्रमा पसल फाट्टफुट्ट मात्र खुलेका स्थानीय सञ्चारकर्मीले जानकारी दिएका छन् । जिल्लाका सदरमुकामदेखि भित्रका गाउँमा भने बन्दको प्रभाव कम परेको जनाइएको छ ।

    हेटौँडामा गाडीमा आगजनी
    विप्लव नेतृत्वको नेकपाको बन्दको क्रममा मकवानपुरमा दुईवटा गाडीमा आगजनी भएको छ । मकवानपुरको इन्द्रसरोवर गाउँपालिका वडा नम्बर ४ फाखेल हुमाने भञ्ज्याङमा निजी कारमा गएराति आगजनी भएको छ । हेटौंडाबाट काठमाडौँतर्फ जाँदै गरेको बा १४ च ८२३४ नम्बरको कार विप्लवका कार्यकर्ताले जलाएका हुन् । कारमा चढेका दुईजनालाई ओरालेर आगजनी गरेको जिल्ला प्रहरी कार्यालय मकवानपुरका प्रहरी नायव उपरिक्षक यज्ञ प्रसाद भट्टराईले जानकारी दिनुभयो । कार पूर्ण रुपमा जलेको छ ।

    यसैगरी मकवानपुरको मनहरी गाउँपालिका वडा नम्बर ९ ज्यामिरे खरङ्गामा बा ५ ख १७ ३९ नम्बरको ट्रकमा आगजनी गरेको जिल्ला प्रहरी कार्यालय मकवापनुरका प्रहरी उपरीक्षक मुकेश कुमार सिंहले बताउनुभयो । ज्यामिरेमा गुडिरहेको ट्रकमा अज्ञात समुहले टाढैबाट पेट्रोल बम प्रहार गरेका थिए । पेट्रोल बम प्रहारबाट ट्रकको अगाडीको भाग मात्र जलेको उहाँले बताउनुभयो ।

    तस्विर : बन्दको कारण ठप्प हेटौँडा बजार ।

    तपाईको प्रतिक्रिया

    ताजा अपडेट

    चितवनमा दसैँ–तिहार अवधिमा सडक दुर्घटनामा कमी, राजस्व बढ्यो
    गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान
    सवारी साधानको उच्च चाप भएपछि घोप्टेभिरमा दुईतर्फी यातायात सञ्चालन गर्न कठिन
    • भाइटीकाले दाजुभाइ तथा दिदीबहिनीबीचको प्रेम र आत्मीयतालाई अझ प्रगाढ बनाउँछः प्रधानमन्त्री शाह
    • मकै र भटमासको मूल्य बृद्धि: पशुपन्छीजन्यको उत्पादन लागत बढ्यो
    • चितवनका भिष्म अधिकारी निर्माण व्यवसायी महासंघको केन्द्रीय सदस्यमा मनोनित
    • डिडिसीको बिक्री कक्ष भरतपुरमा

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.