बिद्यालय सर–सफाईलाई एवं सुन्दरीकरण अभियान अन्र्तगत बृक्षारोपण कार्यक्रम सम्पन्न

पूर्णप्रसाद शर्मा
चितवन, ३० साउन । बिद्यालय सर–सफाईलाई एवं सुन्दरीकरण अभियान अन्र्तगत बिभिन्न ४ वटा लायन्स क्लबले आज गैडाकोट नगरपालिका वडा नं ३ बृन्दापुरमा अवस्थित पञ्चकन्या प्राथामिक बिद्यालय सरसफाई एवं बिद्यालय परिसरमा बृक्षारोपण गरेका छन् । लायन्स क्लब अफ चितवन चौतारी, लायन्स क्लब अफ चितवन नवलपुर सम्बृद्धि, लायन्स क्लब अफ गैडाकोट उत्कृष्ट र लायन्स क्लब अफ चितवन स्पन्दनले बिभिन्न जातका २५० बिरुवा रोपेका हुन् । क्लबहरुले आज एभोकाडो, अमला, आँप, कपुर, धुपी, म्याड्डो स्टीक,रुद्राक्ष लगायतका बिरुवा रोपेको कार्यक्रम संयोजक लायन ईश्वर रिमालले जानकारी दिनुभयो ।

कार्यक्रमका प्रमुख अतिथी लायन्स क्लब ईन्टरनेशनल डिष्ट्रिक ३२५ बि २ नेपालका डिष्ट्रिक एक्जुकेटिभ चिफ लायन हरि प्रसाद घिमिरेले बिरुवा रोप्नु भन्दा पनि संरक्षण गर्नु महत्वपूर्ण भएको बताउनु भयो । उहाँले रोपेका बिरुवाको संरक्षणमा ध्यान दिन लायन्सकर्मीहरुलाई अनुरोध गनुभयो । कार्यक्रममा लायन्स क्लब ईन्टरनेशनल डिष्ट्रिक ३२५ बि २ नेपालका डिष्ट्रिक को–चिफ राजेन्द्र गौतम, डिष्ट्रिक चिफ गोपाल गौतम, डिष्ट्रिक डेपुटी चिफ भक्तीप्रसाद चालिसे, डिष्ट्रिक डेपुटी सचिब पूर्णप्रसाद शर्मा पञ्चकन्या प्राथामिक बिद्यालय ब्यावस्थापन समितिका अध्यक्ष रुद्र प्रसाद भण्डारी, बिद्यालयकी प्रअ राधिका भण्डारी, ४ वटै क्लबका पदाधिकारी एवं सदस्यहरुको उपस्थिती रहेको थियो ।

लायन बर्ष २०२१÷२२ मा गैडाकोट ३ बृन्दापुरलाई लायन्स भिलेका रुपमा लायन्स क्लब अफ चितवन चौतारी, लायन्स क्लब अफ चितवन नवलपुर सम्बृद्धि, लायन्स क्लब अफ गैडाकोट उत्कृष्ट र लायन्स क्लब अफ चितवन स्पन्दनले बिभिन्न कार्यक्रमहरु गरिरहेका छन् । लायन्स क्लब अफ चितवन चौतारीका अध्यक्ष लायन डा. गंगा सापकोटाको अध्यक्षतामा उक्त कार्यक्रम सम्पन्न भएको हो ।