चितवनमा थप १९५ मा संक्रमण पुष्टि ,१४२ ले जिते कोरोना

चितवन,१२ साउन । चितवनमा पछिल्लो २४ घण्टामा १४२ जना कोरोना भाइरसको संक्रमणमुक्त भएका छन् । यससँगै अहिलेसम्म निको हुनेको संख्या १७ हजार ४४७ पुगेको छ ।

उता पछिल्लो २४ घण्टामा १९५ जना संक्रमित थपिएका छन् । पिसिआर परीक्षणबाट १५८ तथा एन्टिजेनबाट ३७ जनामा कोरोना पुष्टि भएको हो । उनीहरु मध्ये भरतपुरका मात्रै १३८ जना छन् । यस्तै खैरहनीका ३, माडीका १९, रत्ननगरका १०, राप्तीका २ र कालिकाका २३ जना रहेका छन् । यससँगै जिल्लाभर कुल संक्रमितको संख्या १९ हजार ७२४ पुगेको छ ।

कुल संक्रमित मध्ये १ हजार ९५६ जना सक्रिय संक्रमित छन् । उनीहरु मध्ये एक हजार ८३८ जना होम आइसोलेसनमा छन् भने ११० जना अस्पताल तथा ८ जना संस्थागत आइसोलेसनमा छन् ।

कोरोनाबाट अहिलेसम्म ३२१ जनाको मृत्यु भएको छ । पछिल्लो २४ घण्टामा कोरोनाबाट मृत्यु हुने संख्या शुन्य रहेको जिल्ला स्वास्थ्य कार्यालयले जानकारी दिएको छ ।