राष्ट्रियसभाका अध्यक्षद्वारा समवेदना व्यक्त

भरतपुर । राष्ट्रियसभाका अध्यक्ष गणेश तिमिल्सिनाले पत्नी शोकमा रहनुभएका प्रदेश नं– ३ का भूमि व्यवस्था, कृषि तथा सहकारीमन्त्री दावा दोर्जे लामालाई घरमै पुगेर समवेदना दिनुभएको छ ।

मन्त्री लामाकी श्रीमती कान्छीमाया लामाको यही असार २१ गते हेटौँडामा निधन भएको थियो । अध्यक्ष तिमिल्सिनाले मृत आत्माको चीरशान्तिको कामना गर्दै श्रद्धाञ्जलि व्यक्त गर्नुभयो । उहाँले कान्छीमाया लामाको अल्पायुमै निधनको खबरले मर्माहत र स्तब्ध तुल्याएको बताउनुभयो ।

यस्तै प्रधानमन्त्री केपी शर्मा ओलीले पठाएको समवेदना पत्र पनि राष्ट्रियसभाका अध्यक्ष तिमिल्सिनाले मन्त्री लामाका परिवारलाई हस्तान्तरण गर्नुभयो । प्रधानमन्त्रीले मृतकप्रति श्रद्धाञ्जलि र शोकाकुल परिवारजनमा समवेदना व्यक्त गर्नुभएको छ ।