दोस्रो खेलमा नेपालले मलेसियालाई दियो १७४ रनको लक्ष्य

काठमाडौँ । टी–ट्वान्टी श्रृङ्खलाको दोस्रो खेलमा नेपालले मलेसियालाई एक सय ७४ रनको लक्ष्य दिएको छ । हिजो भएको पहिलो खेलमा नेपाल सात विकेटले विजयी भएको थियो ।

मलेसियाको किनरारा ओभल क्रिकेट मैदानमा आज टस जितेर पहिले ब्याटिङ रोजेको नेपालले पूरै २० ओभर खेल्दै ६ विकेट गुमाएर एक सय ७३ रन बनाएको हो । नेपालका लागि विनोद भण्डारीले नट आउट ५१ रनको योगदान दिए । उनले २५ बलको सामना गर्दै ५ छक्का र ३ चौका प्रहार गरेका थिए ।

नेपालका लागि कप्तान पारस खड्काले २३ रन, शरद भेषवाकरले ४० रन, रोहित पौडेलले १९ रन, करन केसीले १६ रन, पवन सर्राफले १० रन र ज्ञानेन्द्र मल्लले ७ रन जोडे । एक बलको सामना गरेका सोमपाल कामी एक रनमा अविजित रहे ।

नेपाल आजको खेलमा विजयी भए नयाँ इतिहास रच्ने छ । नेपाल आजको खेलमा विजयी भए दुई टी–ट्वान्टी सिरिज क्लिन स्विप गर्ने छ । हालसम्म नेपालले टी ट्वान्टी अन्तर्राष्ट्रिय सिरिज क्लिन स्वीप गरेको छैन । जुलाई २० देखी २८ सम्म सिंगापुरमा हुने आईसीसी एसिया टी ट्वान्टी विश्वकप छनोट अघि नेपाल विशेष प्रशिक्षणको लागि मलेसिया गएको हो ।