बाढीपहिरोबाट ३५ जनाको मृत्यु, १७ जना बेपत्ता, ८३१ जनाको उद्धार (अपडेट)
/२८ असार २०७६, शनिबार २१:१२
काठमाडौँ । अविरल वर्षापछि आएको बाढी र पहिरोका कारण शनिबार साँझसम्म प्राप्त समाचारअनुसार मृत्यु हुनेको सङ्ख्या ३५ पुगेको छ । सत्र जना बेपत्ता भएका छन् ।
प्रहरी प्रधान कार्यालयका प्रहरी उपरीक्षक रमेश थापाका अनुसार हालसम्म विभिन्न ठाउँबाट ८ सय ३१ जनाको उद्धार गरिएको छ । बाढीपहिरोमा परी १२ जना घाइते भएका छन् । बाढी पहिरोमा परी ललितपुरमा ६जना तथा काठमाडौँ, खोटाङ, काभ्रेपलाञ्चोक र मकवानपुरमा तीन/तीन जनाको मृत्यु भएको छ । त्यस्तै, भोजपुरमा ४ जनाको मृत्यु भएको छ ।
यस्तै धादिङ र सिन्धुलीमा दुई/दुई तथा ओखलढुङ्गा, पर्सा, रामेछाप, इलाम, झापा, सुनसरी, बारा, पाल्पा र चितवनमा एक/एक जनाले ज्यान गुमाएको थापाले जानकारी दिनुभयो ।
महोत्तरीमा ५ सय, रौतहटमा २ सय, सिन्धुलीमा ७०, काठमाडौँमा ४२, उदयपुरमा १०, ललितपुरमा तीन, सिरहामा दुई तथा खोटाङ, भक्तपुर, सुनसरी र मकवानपुरमा एक/एक जनाको उद्धार गरिएको छ ।
मकवानपुरमा चार, काभ्रेमा दुई तथा खोटाङ, रामेछाप, धादिङ, दोलखा, सुनसरी र चितवनमा एक/एक जना घाइते भएका छन् । सिन्धुलीमा चार, भोजपुरमा दुई तथा काठमाडौँ, पाँचथर, झापा, उदयपुर, मोरङ, सुनसरी, महोत्तरी, रौतहट, धादिङ, मकवानपुर र ललितपुरमा एक/एक जना बेपत्ता भएको थापाले बताउनुभयो ।
बाढी र पहिरोबाट प्रभावित ठाउँमा सुरक्षा निकाय परिचालन गरी उद्धार तथा बेपत्ताको खोजी कार्य तीव्र पारिएको छ । विभिन्न स्थानमा भएको बाटो अवरोध हटाउने कार्य जारी रहेको गृहमन्त्रालयले जनाएको छ । मन्त्रालयले उद्धार र राहत वितरणलाई प्रभावकारी बनाएको जनाएको छ ।
काठमाडौँ । अविरल वर्षापछि आएको बाढी र पहिरोका कारण शनिबार साँझसम्म प्राप्त समाचारअनुसार मृत्यु हुनेको सङ्ख्या ३५ पुगेको छ । सत्र जना बेपत्ता भएका छन् ।
प्रहरी प्रधान कार्यालयका प्रहरी उपरीक्षक रमेश थापाका अनुसार हालसम्म विभिन्न ठाउँबाट ८ सय ३१ जनाको उद्धार गरिएको छ । बाढीपहिरोमा परी १२ जना घाइते भएका छन् । बाढी पहिरोमा परी ललितपुरमा ६जना तथा काठमाडौँ, खोटाङ, काभ्रेपलाञ्चोक र मकवानपुरमा तीन/तीन जनाको मृत्यु भएको छ । त्यस्तै, भोजपुरमा ४ जनाको मृत्यु भएको छ ।
यस्तै धादिङ र सिन्धुलीमा दुई/दुई तथा ओखलढुङ्गा, पर्सा, रामेछाप, इलाम, झापा, सुनसरी, बारा, पाल्पा र चितवनमा एक/एक जनाले ज्यान गुमाएको थापाले जानकारी दिनुभयो ।
महोत्तरीमा ५ सय, रौतहटमा २ सय, सिन्धुलीमा ७०, काठमाडौँमा ४२, उदयपुरमा १०, ललितपुरमा तीन, सिरहामा दुई तथा खोटाङ, भक्तपुर, सुनसरी र मकवानपुरमा एक/एक जनाको उद्धार गरिएको छ ।
मकवानपुरमा चार, काभ्रेमा दुई तथा खोटाङ, रामेछाप, धादिङ, दोलखा, सुनसरी र चितवनमा एक/एक जना घाइते भएका छन् । सिन्धुलीमा चार, भोजपुरमा दुई तथा काठमाडौँ, पाँचथर, झापा, उदयपुर, मोरङ, सुनसरी, महोत्तरी, रौतहट, धादिङ, मकवानपुर र ललितपुरमा एक/एक जना बेपत्ता भएको थापाले बताउनुभयो ।
बाढी र पहिरोबाट प्रभावित ठाउँमा सुरक्षा निकाय परिचालन गरी उद्धार तथा बेपत्ताको खोजी कार्य तीव्र पारिएको छ । विभिन्न स्थानमा भएको बाटो अवरोध हटाउने कार्य जारी रहेको गृहमन्त्रालयले जनाएको छ । मन्त्रालयले उद्धार र राहत वितरणलाई प्रभावकारी बनाएको जनाएको छ ।