रौतहट । लगातारको वर्षाले रौतहट जिल्ला डुबानमा परेको छ भने जनजीवन निकै कष्टकर बनेको छ । जिल्लाको सदरमुकामदेखि गाउँसम्म डुबानमा परेपछि जनजीवन कष्टकर बनेको हो । बाढीमा फसेका मानिसहरु उद्धारको पर्खाइमा छन् ।
बागमति, लाल बकैया, झाँझ र चादी नदीमा पानीको बहाव अत्यधिक बढ्दा सदरमुकाम गौर, गरुडा र चन्द्रपुर नगरपालिका डुबानमा परेका छन् । बागमति र लाल बकैया नदीका विभिन्न स्थानका बाँध फुट्दा सयौं परिवार विस्थापित भएका छन् । बाढीले जिल्लाका सबै सडकमा सवारी साधन चल्न सकेका छैनन् । नदीहरुमा जलस्तर बढ्दै गएपछि स्थानीय वासिन्दा त्रसिल बनेका छन् ।
जिल्ला प्रहरी कार्यालय, सशस्त्र प्रहरीको कार्यालय लगायतसुरक्षाकर्मीका ब्यारेक र कार्यालयसमेत डुबानमा परेका छन् । जसले गर्दा उद्धारमा प्रभावकारी रुपमा सुरक्षाकर्मी परिचालन हुन सकेका छैनन् । उद्दारमा कठिनाइ भएपछि प्रदेश तथा प्रहरी प्रधान कार्यालयबाट थप मद्दत माग गरिएको जिल्ला प्रहरी कार्यालय रौतहटका डिएसपी नवीन कार्कीले बताएका छन् ।
कार्कीका अनुसार फतुवा, विजयपुर र बडहरवामा तत्काल उद्दारको आवश्यक्ता छ, तर प्रतिकुल मौसम बाधक बनेको छ ।
बाढीका कारण गौर–चन्द्रनिगाहपुर र पूर्वपश्चिम राजमार्गमा यातायात पूर्ण रुपमा बन्द छ । फतुवा विजयपुर नगरपालिकासँग सम्पर्क विच्छेद भएको छ । फतुवा विजयपुर नगरपालिकाका विभिन्न वडामा एक हजारभन्दा बढी व्यक्ति तत्काल उद्धारको पर्खाइमा छन् । बाढीमा फसेकाहरुको उद्दार गर्न नेपाली सेना, नेपाल प्रहरी, सशस्त्र प्रहरी परिचालन गरिएको छ । उद्धार टोली अझै पर्याप्त सङ्ख्यामा पठाउनुपर्ने आवश्यकता छ ।
रौतहट । लगातारको वर्षाले रौतहट जिल्ला डुबानमा परेको छ भने जनजीवन निकै कष्टकर बनेको छ । जिल्लाको सदरमुकामदेखि गाउँसम्म डुबानमा परेपछि जनजीवन कष्टकर बनेको हो । बाढीमा फसेका मानिसहरु उद्धारको पर्खाइमा छन् ।
बागमति, लाल बकैया, झाँझ र चादी नदीमा पानीको बहाव अत्यधिक बढ्दा सदरमुकाम गौर, गरुडा र चन्द्रपुर नगरपालिका डुबानमा परेका छन् । बागमति र लाल बकैया नदीका विभिन्न स्थानका बाँध फुट्दा सयौं परिवार विस्थापित भएका छन् । बाढीले जिल्लाका सबै सडकमा सवारी साधन चल्न सकेका छैनन् । नदीहरुमा जलस्तर बढ्दै गएपछि स्थानीय वासिन्दा त्रसिल बनेका छन् ।
जिल्ला प्रहरी कार्यालय, सशस्त्र प्रहरीको कार्यालय लगायतसुरक्षाकर्मीका ब्यारेक र कार्यालयसमेत डुबानमा परेका छन् । जसले गर्दा उद्धारमा प्रभावकारी रुपमा सुरक्षाकर्मी परिचालन हुन सकेका छैनन् । उद्दारमा कठिनाइ भएपछि प्रदेश तथा प्रहरी प्रधान कार्यालयबाट थप मद्दत माग गरिएको जिल्ला प्रहरी कार्यालय रौतहटका डिएसपी नवीन कार्कीले बताएका छन् ।
कार्कीका अनुसार फतुवा, विजयपुर र बडहरवामा तत्काल उद्दारको आवश्यक्ता छ, तर प्रतिकुल मौसम बाधक बनेको छ ।
बाढीका कारण गौर–चन्द्रनिगाहपुर र पूर्वपश्चिम राजमार्गमा यातायात पूर्ण रुपमा बन्द छ । फतुवा विजयपुर नगरपालिकासँग सम्पर्क विच्छेद भएको छ । फतुवा विजयपुर नगरपालिकाका विभिन्न वडामा एक हजारभन्दा बढी व्यक्ति तत्काल उद्धारको पर्खाइमा छन् । बाढीमा फसेकाहरुको उद्दार गर्न नेपाली सेना, नेपाल प्रहरी, सशस्त्र प्रहरी परिचालन गरिएको छ । उद्धार टोली अझै पर्याप्त सङ्ख्यामा पठाउनुपर्ने आवश्यकता छ ।