लगातारको वर्षाले देशभरको जनजीवन प्रभावित, उच्च सतर्कता अपनाउन अपील

काठमाडौँ । लगातारको मनसुनी वर्षाका कारण देशभरको जनजीवन प्रभावित भएको छ । मनसुन अति सक्रिय भएका कारण देशभर हल्कादेखि भारी वर्षा हुँदा जनजीवन प्रभावित भएको हो । हाल मनसुन न्यूनचापिय रेखा नेपालको तराईको भूभागमा अवस्थित रहेको र यो सँगै मध्य र पूर्वी भूभागमा रहेको न्यून चापिय क्षेत्रका कारण आगामि २/३ दिन सम्म मनसुन अति सक्रिय भैरहने सम्भावना रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

मौसम पूर्वानुमान महाशाखाले देशको खासगरि पूर्व र मध्य क्षेत्रका केहि स्थानहरुमा भारि वर्षा हुने र पूर्व क्षेत्रका तराई र मध्य पहाडका थोरै ठाउँहरुमा धेरै भारि वर्षासमेत हुने भएकोले पूर्व र मध्य क्षेत्रका पहाडि भूभागमा पहिरो जान सक्ने र पूर्व र मध्य तराई क्षेत्रका नदिहरुमा जलको वहाव, स्तर बढ्न सक्ने भएकोले उच्च सतर्कता अपनाउन सचेत गराएको छ। साथै, देशभर हवाई तथा सडक यातायातमा समेत अवरोध आउने सक्ने भएकोले उच्च सतर्कता अपनाउनसमेत महाशाखाले अपील गरेको छ ।

देशका अधिकांस भूभागहरुमा साताको शुरु र मध्यमा सामान्य देखि पूर्ण बदली रहेता पनि साताको अन्त्यतिर आंशिक देखि सामान्य बदली रहने, साता भरिनै धेरै स्थानहरुमा मेघ गर्जन सहित हल्का देखि मध्यम वर्षाको सम्भावना तथा साताको शुरु तथा मध्य तिर देशको पहाडी र तराईका भूभागको थोरै स्थानहरुमा भारी वर्षाको सम्भावना रहेको महाशाखाले जनाएको छ ।

(तस्विर : अविरल वर्षाका कारण जलमग्न प्रदेश नं २ को राजधानी जनकपुर अञ्चल अस्पताल । वर्षाले जनकपुरधामको अधिकांश क्षेत्र जलमग्न भएको छ ।)

मौसम पूर्वानुमान महाशाखाको २०७६।०३।२७ गते शुक्रबारदेखि २०७६।०४।२ गते बिहीबारसम्मको साप्ताहिक मौसम पूर्वानुमान यस्तो छ :