पत्रकार काफ्लेले प्राप्त गरेको पुरस्कारमा थप गरी शिक्षामा

माडी । पत्रकार बिप्लव काफ्लेले प्राप्त गर्नुभएको नगद पुरस्कारमा दुई हजार थप गरी शिक्षका लागि दान गर्नुभएको छ । माडी नगरपालिकाले काफ्लेलाई बिहीबार सम्मान गरेको छ । माडीका सकारात्मक सूचना एवम् समाचार सम्प्रेशणमा खेलेको भूमिकाको कदर गर्दै तेस्रो नगरसभाको समापन कार्यक्रममा उहाँलाई नगद सहित सम्मान गरिएको हो ।

प्रदेश सांसद रामलाल महतो, नगरप्रम्ख ठाकुरप्रसाद ढकाल र उपप्रमुख ताराकुमारी काजी महतोले संयुक्त रुपमा काफ्लेलाई सम्मान गर्नुभएको हो ।
उहाँले प्राप्त गरेको नगद १० हजारमा २ हजार थप गरी नगर शिक्षा कोषलाई आर्थिक सहयोग गर्नुभएको छ । माडी नगरपालिकाले विपन्न तथा जेहेन्दार विद्यार्थीलाई पढाउन सहयोग गर्ने गरी स्थापना गरेको कोषमा हालसम्म १ लाख ५० हजार रुपैयाँ जम्मा भएको छ ।
पत्रकार काफ्ले २०६५ सालदेखि पत्रकारितमा क्रियाशील हुनुहुन्छ । उहाँ कायाकैरन दैनिकका समाचार सम्पादक तथा कारोबार दैनिकका चितवन संवाददाता हुनुहुन्छ ।