विद्यार्थीले पठाए प्रधानमन्त्रीलाई फलफुल र तरकारी

भरतपुर । विषादीयुक्त तरकारी र फलफूल परीक्षण नगरी भारतबाट ल्याईएको भन्दै नेपाल विद्यार्थी संघले विरोध जनाएको छ । नेपाल विद्यार्थी संघ कृषि तथा वन विज्ञान विश्व विद्यालयको संयोजनमा गरिएको विरोध प्रदर्शनमा विषाक्त तरकारी तथा फलफुल प्रदर्शन गरिनुका साथै प्रधानमन्त्रीलाई पठाईएको छ ।

विद्यार्थीहरुले मंगलबार भरतपुरको चौविसकोठीदेखि जिल्ला प्रशासन कार्यालयसम्म प्रदर्शन गरेका थिए । सो अवसरमा विद्यार्थीहरुले सरकार विरोधी नारा समेत लगाएका थिए ।

प्रदर्शनपछि जिल्ला प्रशासन कार्यालय चितवन मार्फत प्रधानमन्त्री कार्यालयलाई लौका, काउली, गोलभेडा, काँक्रो, फर्सीलगायतका तारकारी तथा फलफुल पठाएका थिए । विद्यार्थीहरुको ज्ञापन पत्र वुझ्दै प्रमुख जिल्ला अधिकारी जितेन्द्र बस्नेतले यो निर्णय सरकारी तवरवाट भएकाले आफुले केहि गर्न नसक्ने तर विद्यार्थीको आवाजलाई सम्बन्धित निकायमा पठाउने बताउनु भयो ।

ज्ञापन पत्र वुझाउँदै कृषि तथा वन विज्ञान विश्वविद्यालय नेविसंघ ईकाईका अध्यक्ष संयम पण्डितले आफुहरुको जायज मागको सुनुवाई नभए चरणवद्ध आन्दोलन गर्ने बताउनु भयो । कार्यक्रममा विद्यार्थी नेताहरु परमेश्वर खनाल, कल्पना पौडेल, सरोज रेग्मी, निरज अग्रवाल, कृष्ण वगाले, राजेश भूषाल, राजेश पौडेल, कृष्ण सापकोटा, प्रनिशा गुरुङ्, ईन्द्रजित गोहित, सुवर्ण खरेल, विसव कुमार, कृष्ण प्रसाद पौडेललगायतको सहभागिता रहेको थियो ।