चितवन । लामो समयदेखि सामाजिक क्षेत्रमा क्रियाशील युवा समाज नेपालको नारायणगढ स्थित मुख्य कार्यालयमा सोमबार राती तोडफोड र चोरी भएको छ । भरतपुर महानगरपालिका वडा नम्बर ३ मा रहेको कार्यालयमा रातको समयमा तोडफोड र चोरी भएको हो ।
समाजका अध्यक्ष केशव रेग्मीका अनुसार अज्ञात समूहले भवनको च्यानल गेट र भित्री ढोका फोरेर कम्युटर र कागजात छर्नुका साथै तोडफोड गरेका छन् । त्यहाँ रहेको एउटा ल्याबटप चोरी भएको उहाँले जानकारी दिनु भयो । घटनाको प्रकृति हेर्दा समूह नै प्रवेश गरेको जस्तो देखिने रेग्मीले बताउनुभयो । केहि समय अघि वाल विकास कार्यक्रम अन्तर्गत वचत संकलन हुने गरेको थियो । वचत रकम भएको अनुमानमा चोरी गरिएको हुनसक्ने रेग्मीले बताउनु भयो ।
वि.सं. २०५१ सालमा स्थापना भएको समाजले चितवन, गोर्खा र तनहुँमा खानेपानी एवं सरसफाईका २७ आयोजना सम्पन्न गरेको पूर्व अध्यक्ष लिलाधर पौडेलले बताउनु भयो । यससँगै बालवालिका, महिला र मानवअधिकारका क्षेत्रमा समाजले काम गर्दै आएको छ । समाजले घटनाका सम्बन्धमा प्रहरीमा जानकारी गराएको छ । समाजका पूर्व अध्यक्ष पौडेलले सामाजिक संस्थामा भएको चोरी र तोडफोड निन्दनीय भएको बताउनु भयो । दोषीमाथि कडा कारवाही गर्न माग समेत समाजले गरेको छ ।
जिल्ला प्रहरी कार्यालय चितवनका प्रवक्ता प्रहरी नायव उपरीक्षक एकनारायण कोईरालाले चोरी नियन्त्रणका लागि सादा पोसाकमा प्रहरी परिचालन गरिएको बताउनु भयो ।
चितवन । लामो समयदेखि सामाजिक क्षेत्रमा क्रियाशील युवा समाज नेपालको नारायणगढ स्थित मुख्य कार्यालयमा सोमबार राती तोडफोड र चोरी भएको छ । भरतपुर महानगरपालिका वडा नम्बर ३ मा रहेको कार्यालयमा रातको समयमा तोडफोड र चोरी भएको हो ।
समाजका अध्यक्ष केशव रेग्मीका अनुसार अज्ञात समूहले भवनको च्यानल गेट र भित्री ढोका फोरेर कम्युटर र कागजात छर्नुका साथै तोडफोड गरेका छन् । त्यहाँ रहेको एउटा ल्याबटप चोरी भएको उहाँले जानकारी दिनु भयो । घटनाको प्रकृति हेर्दा समूह नै प्रवेश गरेको जस्तो देखिने रेग्मीले बताउनुभयो । केहि समय अघि वाल विकास कार्यक्रम अन्तर्गत वचत संकलन हुने गरेको थियो । वचत रकम भएको अनुमानमा चोरी गरिएको हुनसक्ने रेग्मीले बताउनु भयो ।
वि.सं. २०५१ सालमा स्थापना भएको समाजले चितवन, गोर्खा र तनहुँमा खानेपानी एवं सरसफाईका २७ आयोजना सम्पन्न गरेको पूर्व अध्यक्ष लिलाधर पौडेलले बताउनु भयो । यससँगै बालवालिका, महिला र मानवअधिकारका क्षेत्रमा समाजले काम गर्दै आएको छ ।
समाजले घटनाका सम्बन्धमा प्रहरीमा जानकारी गराएको छ । समाजका पूर्व अध्यक्ष पौडेलले सामाजिक संस्थामा भएको चोरी र तोडफोड निन्दनीय भएको बताउनु भयो । दोषीमाथि कडा कारवाही गर्न माग समेत समाजले गरेको छ ।
जिल्ला प्रहरी कार्यालय चितवनका प्रवक्ता प्रहरी नायव उपरीक्षक एकनारायण कोईरालाले चोरी नियन्त्रणका लागि सादा पोसाकमा प्रहरी परिचालन गरिएको बताउनु भयो ।