नवलपरासीको दाउन्नेमा बस दुर्घटना, चारको मृत्यु

नवलपरासी, ५ जेठ । पूर्वपश्चिम राजमार्ग अन्तर्गत नवलपरासीको दाउन्नेमा बस दुर्घटना हुँदा ४ जनाको मृत्यु भएको छ । ४९ जना घाइते भएका छन् ।काठमाडौंबाट रुकुम पश्चिम जाँदै गरेको ना ५ ख २७१३ नम्बरको बस दाउन्नेको खुर्सानी खोलामा बुधबार बिहान दुर्घटना भएको हो ।

मृतकहरुमध्ये रुकुम पश्चिमका ३६ वर्षीय धनराज घर्ती र २७ वर्षीया कल्पना पुनको मात्र सनाखत भएको प्रहरीले जनाएको छ । घाइतेहरुको चिसापानी सामुदायिक अस्पताल लगायतका स्थानमा उपचार भइरहेको छ । सामान्य घाइते अवस्थामा रहेका चालकलाई प्रहरीले नियन्त्रणमा लिएको छ ।

बस सडकबाट करिब १५० मिटर तल खसेको छ । दुर्घटनाको विस्तृत विवरण आउन बाँकी रहेको प्रहरीले जनाएको छ ।