पछिल्लो २४ घण्टामा थपिए ८ हजारभन्दा बढी संक्रमित, १९६ ले ज्यान गुमाए

काठमाण्डौं, ४ जेठ । पछिल्लो २४ घण्टामा देशभर थप ८ हजार २०३ जनामा कोरोना भाइरस संक्रमण पुष्टि भएको छ । योसँगै कुल कोरोना संक्रमितको संख्या ४ लाख ७६ हजार २१ पुगेको छ । स्वास्थ्य तथा जनसंख्या मन्त्रालयले आज जनाए अनुसार पछिल्लो २४ घण्टामा थप ६ हजार ८ सय ९१ जना संक्रमणमुक्त भएका छन् । योसँगै कुल संक्रमणमुक्त हुनेको संख्या ३ लाख ५२ हजार ४ सय १४ पुगेको छ ।

पछिल्लो २४ घण्टामा १९६ संक्रमितको मृत्यु भएको छ ।योसँगै हालसम्म कुल ५ हजार ४११ जनाको मृत्यु भएको छ । नेपालमा हाल १ लाख १४ हजार ५२९ जना सक्रिय संक्रमित छन् ।