चितवनमा कोरोनाको जोखम बढेपछि निर्माण सामग्री ढुवानीमा कडाईः बिहान ६ बजेदेखि दिउसो २ बजेसम्म मात्र चलाउन पाईने

चितवन, २ जेठ । चितवनमा निर्माण सामाग्री ढुवानी गर्ने सवारी साधन दिउसो २ बजे सम्म चल्न पाउने भएका छन । जिल्ला प्रशासन कार्यालय चितवनले आइतबार संसोधन सहितको जारी आदेस अनुसार जिल्लामा निर्माण सामाग्री ढुवानी गर्ने सवारीसाधनले दैनिक बिहान ६ बजे देखि दिउँसो २ बजे सम्म मात्र निर्बाध रुपमा सामाग्री ढुवानी गर्न र गराउन पाउने छन ।

अघि जारी आदेशमा त्यस्ता सवारीसाधनले साँझ ५ बजे देखि बिहान ६ बजे सम्म मात्र ढुवानी गर्न पाइने भन्ने उल्लेख थियो। साथै जिल्लाको राजमार्ग प्रयोग गर्ने गरि संचालन हुने अत्यावश्यक सामाग्री बोक्ने, पुर्‍याउने , फर्कने सबै सवारीसाधनले बाटोमा कतै नरोकिने गरि आवत जावत गर्न पाउने भएका छन् ।