मदन जयन्तीको अवसरमा वृक्षरोपण

चितवन। जननेता मदन भण्डारीको ६८औँ जन्मजयन्तीको अवसरमा शनिबार विभिन्न स्थानमा वृक्षरोपण गरिएको छ । मदन भण्डारी फाउण्डेशन चितवनको आयोजनामा कालिका नगरपालिकाको थाङखोला सामुदायिक वन परिसरमा फलफूलका विरुवा रोपिएको छ ।

सो अवसरमा दुई सय वटा एभोकाडो फलको विरुवा रोपिएको मदन भण्डारी फाउण्डेशन चितवनका अध्यक्ष डाक्टर तिलचन्द्र भट्टराइले जानकारी दिनुभएको छ । गत वर्ष पनि थाङखोला सामुदायिक वनमा एकसय ५० वटा विरुवा रोपिएको थियो ।

प्रदेश नंं ३ का कृषि, भूमि व्यवस्था तथा सहकारी मन्त्री दावादोर्जे लामा प्रमुख अतिथि रहनु भएको उक्त कार्यक्रममा नेकपाका केन्द्रीय सदस्य देवी ज्ञवाली, मुख्य मन्त्रीका प्रमुख राजनीतिक सल्लाहकार जगन्नाथ थपलिया, प्रदेश साँसदहरु विजय सुवेदी, घनश्याम दाहाल, कृष्ण भुर्तेल, कञ्चन खनाललगायतले वृक्षरोपण गर्नुभएको थियो ।

थप तस्विरहरु :