युवतीमाथि श्रृङ्खलाबद्ध सिरिञ्ज प्रहार गर्ने कार्की पक्राउ

काठमाडौँ । काठमाडौँमा केही सातायता युवतीहरुमाथि श्रृङ्खलाबद्ध रुपमा सिरिञ्जले घोचेर त्रास फैलाउँदै आएको अभियोगमा एक जनालाई प्रहरीले पक्राउ गरेको छ । श्रृङ्खलाबद्ध रुपमा युवतीमाथि सुई हान्दै भाग्ने कार्यमा संलग्न रहेको अभियोगमा प्रहरीले रामेछापका सन्तोष कार्कीलाई पक्राउ गरेको हो ।

पक्राउ परेका कार्कीले महाराजगन्जमा रेस्टुरेन्ट चलाउँदै आएका थिए । महानगरीय प्रहरी परिसर काठमाडौंले रामेछापका उनलाई गएराती महाराजगन्जबाटै पक्राउ गरेको हो । प्रहरीका अनुसार उनले प्रारम्भिक बयानका क्रममा आफ्नो अपराध स्वीकार्दै रमाइलोका लागि यस्तो कार्य गरेका बताएका छन् ।