चितवनका दुई अस्पतालमा एकै दिन चार संक्रमितको मृत्यु

 चितवन, २० वैशाख । चितवनमा एकै दिन आज सोमबार चार जना कोरोना भाईरस (कोभिड–१९) संक्रमितको मृत्यु भएको छ ।

चितवन मेडिकल कलेज (सिएमसी) मा तीन जना र कलेज अफ मेडिकल साईन्सेस (पुरानो मेडिकल कलेज) (सिएमएस) मा एक जनाको मृत्यु भएको हो ।

स्वास्थ्य कार्यालय चितवनले दिएको जानकारी अनुसार १३ जना संक्रमित भेन्टिलेटरमा उपचाररत छन् । सिएमसीमा ९ जना र सिएमएसमा ४ जना भेन्टिलेटरमा उपचार गराईरहेका हुन् ।

यस्तै ६४ जना बिराामी आईसियूमा उपचाररत छन् । ती मध्ये सिएमसीमा ३६ जना, सिएमएसमा १८ जना र भरतपुर अस्पतालमा १० जना उपचाररत छन् । यसैगरी ४६ जना संक्रमित एचडियूमा उपचार गराईरहेका छन् । ती मध्ये भरतपुर अस्पतालमा २४ जना, सिएमसीमा ८ जना र सिएमएसमा १४ जना रहेका छन् ।

जिल्लाका अस्पतालमा उपचार गराईरहेका २२० जना संक्रमित मध्ये भरतपुर अस्पतालमा १०६, सिएमसीमा ७८ र सिएमएसमा ३६ जना रहेका छन् । जिल्लामा भरतपुर अस्पतालमा ११० शैया, सिएमसीमा १३९ शैया र सिएमएसमा १०० शैया कोभिड संक्रमितका लागि छुट्टाईएको छ ।