त्रिशुलीमा बेपत्ता एकको शब भेटियो

चितवन, १६ वैशाख  । पुल निर्माणका क्रममा भाँचिदा वेपत्ता भएका अर्का एक जनाको शव आज भेटिएको छ । भारतको पश्चिम चम्पारणका २८ वर्षिय श्यामबाबु पाठकको शब भेटिएको हो ।

भरतपुर महानगरपालिका वडा नम्बर १ स्थित ठिमुरा–देवघाट जोड्ने पुल निर्माणका क्रममा बैशाख १२ गते भाँचिदा दुई जना बेपत्ता भएका थिए । बेपत्ता मध्ये अर्काे एक जनाको बुधबार शव भेटिएको थियो ।

निर्माणाधिन अवस्थामा रहेको पुलमुनि उनको शब भेटिएको जिल्ला प्रहरी कार्यालय चितवनले जनाएको छ । कार्यालयका अनुसार शवलाई गोताखोरका टोलीले निकाली भरतपुर अस्पतालको शब गृहमा राखिएको छ ।