त्रिशुलीमा बेपत्ता दुई मध्य एक जनाको शब भेटियो

चितवन, १५ वैशाख । पुल निर्माणको क्रममा भाँचिएर त्रिशुलीमा वेपत्ता भएका दुई जना मध्य एक जनाको शब फेला परेको छ । जिल्ला प्रहरी कार्यालय चितवनका अनुसार शव फेला पर्नेमा भारतकोपश्चिम चम्पारण घर भएका २३ वर्षिय सुजित माझी रहेका छन् ।

उनको शब घटनास्थलबाट ५ सय मिटर तल नदीको भंगालोमा भेटिएको हो । भरतपुर महानगरपालिका वडा नम्बर १ ठिमुरामा ठिमुरा–देवघाट जोड्ने पुल निर्माणका क्रममा बैशाख १२ गते उनी सहित अर्का एक जना अझै वेपत्ता भएका थिए । बेपत्ता हुनेमा भारतको विहार घर भएका श्याम वावु पाठक रहेका छन् । उनको खोजी कार्य भइरहेको प्रहरीले जनाएको छ ।

यस अघि पुल भाँचिएकै दिन भारतको बेतिया जिल्ला घर भएका ४३ वर्षिय विजय यादवको मृत्यु भएको थियो । पुल निर्माणको क्रममा भाँचिदा आठ जना घाईते भएका थिए ।