नेकपा चितवनका जिल्ला कमिटी सदस्यलाई अध्यक्ष प्रचण्डले गराए सपथग्रहण

चितवन । नेपाल कम्युनिष्ट पार्टी (नेकपा) चितवनका जिल्ला कमिटी सदस्यहरुलाई पार्टीका अध्यक्ष पुष्पकमल दाहाल ‘प्रचण्ड’ले सपथग्रहण गराउनुभएको छ । आज भरतपुरमा आयोजित समारोहमा अध्यक्ष प्रचण्डले एक सय पचास सदस्यीय जिल्ला कमिटीका सदस्यहरुलाई सपथग्रहण गराउनुभएको हो ।

लामो समयको प्रतिक्षापछि नेपाल कम्युनिष्ट पार्टी (नेकपा) चितवनका सदस्यको टुङ्गो लगाइएपछि सपथग्रहण कार्यक्रम सम्पन्न भएको हो । प्रदेश नम्वर ३ का १० जिल्लामा नेकपाका जिल्ला कमिटीले यसअघि नै पूर्णता पाइसकेका छन् ।

जिल्ला कमिटीमा तत्कालीन नेकपा एमालेबाट ८० जना र तत्कालीन नेकपा माओवादी केन्द्रबाट ७५ जना रहेका छन् । नेकपाको प्रदेश कमिटीले जिल्ला कमिटीमा परेका १५५ जनाको नामावली चितवन जिल्ला कमिटीलाई पठाएको नेकपा चितवनले जनाएको छ ।