जीप दुर्घटनामा ४ जनाको मृत्यु, १० घाइते

काठमाडौं । धादिङमा आज दिउँसो जीप दुर्घटना हुँदा ४ जनाको मृत्यु भएको छ । गल्छी गाउँपालिका–६, बाँझागाउँमा बा १६ च ९४०८ नम्बरको जीप दुर्घटना हुँदा २ जना पुरुष र २ जना महिला गरी ४ जनाको मृत्यु भएको हो । दुर्घटनामा १० जना घाइते भएका जिल्ला प्रहरी कार्यालय धादिङले जनाएको छ । 

घाइतेहरुलाई उद्दार गरी उपचारका लागि अस्पताल लगिएको जिल्ला प्रहरी कार्यालय, धादिङका प्रहरी उपरीक्षक राजकुमार बैदवारले जानकारी दिनुभएको छ ।

धादिङकै कार्कीडाँडाबाट बैरेनी आउँदै गरेको महिन्द्रा गाडीमा सवार १४ जनामध्ये २ जना महिला र २ जना पुरुषको घटनास्थलमा मृत्यु भएको प्रहरी उपरीक्षक बैदवारले बताउनुभएको छ । दुर्घटनामा मृत्यु हुनेमा गल्छी गाउँपालिका–४, कार्कीडाँडाका ३८ वर्षीय राजु रम्तेल, ३२ वर्षीय सेतु मिजार, गल्छी–६ बाझगाउँका ३० वर्षीय कान्छी भुजेल र २५ वर्षीय नानु तामाङ रहेको प्रहरीले जनाएको छ ।