पूर्व शिक्षामन्त्री पौडेलको निधन

चितवन । पूर्व शिक्षामन्त्री धनीराम (डिआर) पौडेलको आज बिहान निधन भएको छ । माडीस्थित घरमा रहनुभएका उहाँको हृदयघातका कारण निधन भएको हो ।

नेपाल कम्युनिष्ट पार्टी (नेकपा) का जिल्ला अध्यक्ष यमबहादुर परियारका अनुसार बिहान ७ बजे उहाँको निधन भएको हो । माडी नगरपालिका–५ रमाइलोडाँडास्थित आफ्नै निवासमा हृदयाघात भएपछि उहाँलाई माडीको बघौडा अस्पतालमा लगिएको थियो ।

अस्पताल पु¥याएपछि चिकित्सकले पौडेलको निधन भएको जानकारी दिएका हुन् । पौडेल संविधानसभाको सदस्य हुनुहुन्थ्यो । पार्टीका केन्द्रीय सदस्य पौडेल तत्कालीन अखिल क्रान्तिकारीका केन्द्रीय अध्यक्षसमेत हुनुहुन्थ्यो । पौडेल लेखक एवं पूर्वपत्रकार पनि हुनुहुन्थ्यो ।

स्वर्गीय पौडेलकी श्रीमती गङ्गा वेलवासे पनि पार्टीको केन्द्रीय सदस्य हुनुहुन्छ । उहाँका दुई छोरी छन् ।

पौडेलको अन्तिम संस्कारमा सहभागी हुन नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ सहित नेकपाका नेताहरु आउनुहुने जिल्ला अध्यक्ष परियारले जानकारी दिनुभयो ।