पुरानो राज्यसंयन्त्रले जित्छ कि राजनीतिक नेतृत्वले ? : दाहाल
/२९ जेष्ठ २०७६, बुधबार १६:४१
चितवन ।
नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले पुरानो राज्य संरचनाले जित्छ कि राजनीतिक नेतृत्वले जित्छ भन्ने थाहै नपाईने बताउनु भएको छ । अच्युतराज सुवेदी स्मृति प्रतिष्ठानले बुधबार भरतपुरमा आयोजना गरेको अच्युत स्मृति राष्ट्रिय प्रतिभा पुरस्कार २०७६ वितरण समारोहलाई सम्बोधन गर्नुहुँदै उहाँले काम गर्ने र सोच्ने तरिका उही पुरानो भएका कारण नदेखिने गरी पुरानो राज्य संरचना र राजनीतिक नेतृत्वबीच लडाई भईरहेको बताउनुभयो ।
उहाँले राजनैतिक नेतृत्वले नहार्ने आफूले विश्वास लिएको बताउँदै भन्नुभयो “आन्दोलनको बलले नयाँ नेतृत्वको सरकार आए पनि पुरानै राज्य संरचनाका कारण सोचेअनुसारको काम गर्न कठिन भएको छ ।” हिजो राजाहरु निरंकुुश हुँदा शुरु भएको स्कूल नभत्किएको भन्दै दाहालले भन्नुभयो “यही स्कूल छ, राज्य संरचनाको स्कूल । पञ्चायतको बेलामा जे छ त्यही स्कूलमा चलेको छ ।” नियम कानून पनि तिनै रहेको भन्दै उहाँले कानून बदलिँदा पनि काम गर्ने सोच, तरिका र शैली उही रहेको उल्लेख गर्नुभयो । राजनीतिक नेतृत्वले अब जित्न नसके मुलुक ठूलो दुर्घटनामा जाने दाहालले बताउनुभयो ।
दुई तिहाइको सरकारबाट जनताले ठूलो आशा अपेक्षा गरेको बताउँदै उहाँले त्यसतर्फ सरकार अघि बढिरहेको भए पनि सफलता प्राप्त गर्न कठिन भएको बताउनुभयो । “जनताको अपेक्षालाई हामीले जुन उचाइ र गहिराइबाट सम्बोधन गर्न सक्नु पथ्र्योे त्यो स्तरबाट गर्न सकेनौँ । प्रयास भने जारी रहेको छ । जनताले हामीबाट अझ धेरै त्याग र मेहनत चाहेका छन् ।”
संविधान निर्माणको अन्तिम चरणमा भूकम्प गएपछि आफूले विपक्षी दलको नेताको हैसियतले सरकारलाई सहयोग गरेर उद्धारसँगै सबैलाई संविधान निर्माणमा जुटाएको स्मरण गर्नुभयो । उहाँले भन्नुभयो “भूकम्प नगएको भए यति छिटो संविधान बन्ने थिएन ।” भूकम्पले मानवीय संवेदनासँग राजनीतिक रुपमा एकता कायम गर्न सघाएको उहाँको भनाई थियो ।
कार्यक्रममा नेपाल कम्युनिष्ट पार्टी (नेकपा) का नेता एवं पूर्व अर्थमन्त्री सुरेन्द्र पाण्डेले देशको समृद्धिका लागि सिंगो पार्टी गोलबद्ध भएर लाग्नुपर्ने बताउनुभयो । पार्टी एकीकरणको प्रक्रिया ढिलो हुँदा नेता कार्यकर्ता एक वर्षदेखि कामविहिन बनेका भन्दै उहाँले छिटो एकता टुंग्याउन अध्यक्ष दाहाललाई आग्रह गर्नुभयो ।
सो अवसरमा राष्ट्रिय प्रतिभा पुरस्कार २०७६ बाट सशस्त्र प्रहरी बल विपत् व्यवस्थापन तालिम शिक्षालय कुरिनटार, चितवनका जवान ओम सलामी मगरलाई २५ हजार नगद सहित ताम्रपत्रबाट सम्मान गरिएको थियो । कार्यक्रममा वर्ष व्यक्तित्व सम्मान २०७६ बाट वरिष्ठ स्त्रीरोग विशेषज्ञ डा शारदा रानाभाट कुँवरलाई सम्मान गरिएको थियो ।
चितवन ।
नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले पुरानो राज्य संरचनाले जित्छ कि राजनीतिक नेतृत्वले जित्छ भन्ने थाहै नपाईने बताउनु भएको छ । अच्युतराज सुवेदी स्मृति प्रतिष्ठानले बुधबार भरतपुरमा आयोजना गरेको अच्युत स्मृति राष्ट्रिय प्रतिभा पुरस्कार २०७६ वितरण समारोहलाई सम्बोधन गर्नुहुँदै उहाँले काम गर्ने र सोच्ने तरिका उही पुरानो भएका कारण नदेखिने गरी पुरानो राज्य संरचना र राजनीतिक नेतृत्वबीच लडाई भईरहेको बताउनुभयो ।
उहाँले राजनैतिक नेतृत्वले नहार्ने आफूले विश्वास लिएको बताउँदै भन्नुभयो “आन्दोलनको बलले नयाँ नेतृत्वको सरकार आए पनि पुरानै राज्य संरचनाका कारण सोचेअनुसारको काम गर्न कठिन भएको छ ।” हिजो राजाहरु निरंकुुश हुँदा शुरु भएको स्कूल नभत्किएको भन्दै दाहालले भन्नुभयो “यही स्कूल छ, राज्य संरचनाको स्कूल । पञ्चायतको बेलामा जे छ त्यही स्कूलमा चलेको छ ।” नियम कानून पनि तिनै रहेको भन्दै उहाँले कानून बदलिँदा पनि काम गर्ने सोच, तरिका र शैली उही रहेको उल्लेख गर्नुभयो । राजनीतिक नेतृत्वले अब जित्न नसके मुलुक ठूलो दुर्घटनामा जाने दाहालले बताउनुभयो ।
दुई तिहाइको सरकारबाट जनताले ठूलो आशा अपेक्षा गरेको बताउँदै उहाँले त्यसतर्फ सरकार अघि बढिरहेको भए पनि सफलता प्राप्त गर्न कठिन भएको बताउनुभयो । “जनताको अपेक्षालाई हामीले जुन उचाइ र गहिराइबाट सम्बोधन गर्न सक्नु पथ्र्योे त्यो स्तरबाट गर्न सकेनौँ । प्रयास भने जारी रहेको छ । जनताले हामीबाट अझ धेरै त्याग र मेहनत चाहेका छन् ।”
संविधान निर्माणको अन्तिम चरणमा भूकम्प गएपछि आफूले विपक्षी दलको नेताको हैसियतले सरकारलाई सहयोग गरेर उद्धारसँगै सबैलाई संविधान निर्माणमा जुटाएको स्मरण गर्नुभयो । उहाँले भन्नुभयो “भूकम्प नगएको भए यति छिटो संविधान बन्ने थिएन ।” भूकम्पले मानवीय संवेदनासँग राजनीतिक रुपमा एकता कायम गर्न सघाएको उहाँको भनाई थियो ।
कार्यक्रममा नेपाल कम्युनिष्ट पार्टी (नेकपा) का नेता एवं पूर्व अर्थमन्त्री सुरेन्द्र पाण्डेले देशको समृद्धिका लागि सिंगो पार्टी गोलबद्ध भएर लाग्नुपर्ने बताउनुभयो । पार्टी एकीकरणको प्रक्रिया ढिलो हुँदा नेता कार्यकर्ता एक वर्षदेखि कामविहिन बनेका भन्दै उहाँले छिटो एकता टुंग्याउन अध्यक्ष दाहाललाई आग्रह गर्नुभयो ।
सो अवसरमा राष्ट्रिय प्रतिभा पुरस्कार २०७६ बाट सशस्त्र प्रहरी बल विपत् व्यवस्थापन तालिम शिक्षालय कुरिनटार, चितवनका जवान ओम सलामी मगरलाई २५ हजार नगद सहित ताम्रपत्रबाट सम्मान गरिएको थियो । कार्यक्रममा वर्ष व्यक्तित्व सम्मान २०७६ बाट वरिष्ठ स्त्रीरोग विशेषज्ञ डा शारदा रानाभाट कुँवरलाई सम्मान गरिएको थियो ।