मन्त्री महासेठ चढेको गाडी खोलामा पल्टियो, ठूलो दुर्घटनाबाट जोगिए महासेठ

स्याङ्जा । भौतिक पूर्वाधार तथा यातायात मन्त्री रघुबिर महासेठ चढेको बा २ झ ४०२९ नम्बरको गाडी आज स्याङ्जाको घट्टे दरौँ खोलामा डुबेको छ । सहरे खोलाको पुल शिलान्यास गरी फर्केर खोला तर्ने क्रममा अर्जुनचौपारी गाउँपालिका ३ घट्टे दरौँ खोलामा मन्त्रीको गाडी डुबेको हो ।

डुबेको गाडीबाट सुरक्षाकर्मीले तत्कालै मन्त्री महासेठलाई सकुशल बाहिर निकालेका थिए । गाडीलाई जेसिबीको सहायताले खोला बाहिर निकालिएको थियो । तस्विरमा खोला पार हुनै लाग्दा गाडी खोलाको गहिरो भागमा फसेको देखिन्छ । मन्त्रीका गाडी चालकले दाहिनेतर्फ मोड्नुपर्नेमा गाडी देब्रेतर्फ च्यापेर चलाएकाले गाडी गहिरो भागतर्फ पल्टिएको देखिन्छ ।

(तस्विर : यो समाचारमा प्रयोग भएको तस्विर हामीले कालीगण्डकी खबर डटकमबाट लिएका हौँ ।)