पत्रकारलाई धम्क्याउने मेयर द्वारिकालाल चौधरीले आत्मआलोचना गरे
/२६ जेष्ठ २०७६, आईतवार २१:०२
काठमाडौँ । पत्रकारको ‘नाकको डाँडी भाँच्छु’ भन्दै खुलेआम धम्की दिएका इटहरी उपमहानगरपालिकाका मेयर द्वारिकालाल चौधरीले अन्ततः आत्मआलोचना गरेका छन् । उनले इटहरीका पत्रकार विराट अनुपमलाई आक्रमण गर्ने धम्की दिँदै त्यसका लागि एक करोड रुपैयाँ पर्ने घडेरी छुट्याएको बताएका थिए । टेलिभिजन अन्तर्वार्तामासमेत उनले पत्रकारलाई आक्रमण गर्ने धम्की दोहोर्याएका थिए ।
मेयर चौधरीको धम्कीको सर्वत्र आलोचना भएपछि उनले आइतबार साँझ प्रेस विज्ञप्ति प्रकाशित गरि आत्मआलोचना गरेका हुन् । विज्ञप्तिमा उनले आफ्नो भनाईबाट सम्बन्धित पत्रकार र सञ्चार जगतमा पर्न गएको चोटप्रति दुःख व्यक्त गरेका छन् । साथै उनले प्रेस जगतलाई आघात पार्ने भनाई फिर्ता लिएको पनि बताएका छन् ।
मेयर चौधरीले भनेका छन्–‘मेरो सञ्चारजगतप्रति चोट पुर्याउने कुनै मनसाय छैन र आगामी दिनमा पनि रहने छैन । इटहरी उपमहानगरपालिका प्रेस स्वतन्त्रताप्रति प्रतिवद्ध छ । यो संवैधानिक हकप्रति सधैँ प्रतिवद्ध रहने छ ।’
मेयर चौधरीले पत्रकारलाई आक्रमणको धम्की दिएपछि कानुनको पालना गर्ने र गराउने स्थानीय सरकारको प्रमुखबाटै कानुन हातमा लिने काम भएको भन्दै सर्वत्र आलोचना भएको थियो । उनकै पार्टी नेपाल कम्युनिष्ट पार्टी (नेकपा) का नेताहरुले पनि उनको यो आक्रोशपूर्ण भनाईले लोकतन्त्र, प्रेस स्वतन्त्रता, मानवअधिकार र कानुनी शासनको धज्जी उडाएको भन्दै आत्मआलोचना गर्न व्यक्तिगत रुपमा र सामाजिक सञ्जालमार्फत सुझाव दिँदै आएका थिए ।
मेयर द्वारिकालाल चौधरीले जारी गरेको प्रेस विज्ञप्ति :
काठमाडौँ । पत्रकारको ‘नाकको डाँडी भाँच्छु’ भन्दै खुलेआम धम्की दिएका इटहरी उपमहानगरपालिकाका मेयर द्वारिकालाल चौधरीले अन्ततः आत्मआलोचना गरेका छन् । उनले इटहरीका पत्रकार विराट अनुपमलाई आक्रमण गर्ने धम्की दिँदै त्यसका लागि एक करोड रुपैयाँ पर्ने घडेरी छुट्याएको बताएका थिए । टेलिभिजन अन्तर्वार्तामासमेत उनले पत्रकारलाई आक्रमण गर्ने धम्की दोहोर्याएका थिए ।
मेयर चौधरीको धम्कीको सर्वत्र आलोचना भएपछि उनले आइतबार साँझ प्रेस विज्ञप्ति प्रकाशित गरि आत्मआलोचना गरेका हुन् । विज्ञप्तिमा उनले आफ्नो भनाईबाट सम्बन्धित पत्रकार र सञ्चार जगतमा पर्न गएको चोटप्रति दुःख व्यक्त गरेका छन् । साथै उनले प्रेस जगतलाई आघात पार्ने भनाई फिर्ता लिएको पनि बताएका छन् ।
मेयर चौधरीले भनेका छन्–‘मेरो सञ्चारजगतप्रति चोट पुर्याउने कुनै मनसाय छैन र आगामी दिनमा पनि रहने छैन । इटहरी उपमहानगरपालिका प्रेस स्वतन्त्रताप्रति प्रतिवद्ध छ । यो संवैधानिक हकप्रति सधैँ प्रतिवद्ध रहने छ ।’
मेयर चौधरीले पत्रकारलाई आक्रमणको धम्की दिएपछि कानुनको पालना गर्ने र गराउने स्थानीय सरकारको प्रमुखबाटै कानुन हातमा लिने काम भएको भन्दै सर्वत्र आलोचना भएको थियो । उनकै पार्टी नेपाल कम्युनिष्ट पार्टी (नेकपा) का नेताहरुले पनि उनको यो आक्रोशपूर्ण भनाईले लोकतन्त्र, प्रेस स्वतन्त्रता, मानवअधिकार र कानुनी शासनको धज्जी उडाएको भन्दै आत्मआलोचना गर्न व्यक्तिगत रुपमा र सामाजिक सञ्जालमार्फत सुझाव दिँदै आएका थिए ।
मेयर द्वारिकालाल चौधरीले जारी गरेको प्रेस विज्ञप्ति :