काठमाडौं । नेपाली चलचित्र क्षेत्रका सुपरस्टार राजेश हमाल कति वर्ष पुगे होलान् ? उनका धेरै फ्यानको चासोको विषय हो यो । यिनै सुपरस्टार राजेश हमाल आइतबारदेखि ५५ वर्ष पूरा भई ५६ वर्षमा लागेका छन् । ९ जुन, १९६४ मा पाल्पाको तानसेनमा जन्मिएका हमालले २०४८ सालमा प्रदर्शनमा आएको फिल्म ‘युगदेखि युगसम्म’ बाट नेपाली रजतपटमा पाइला राखेका थिए ।
आफ्नै मामा स्वर्गीय दीपक रायमाझी निर्देशित यस फिल्मपछि उनले आफ्नो करिअर कहिल्यै पछाडि फर्किएर हेर्नु परेन । ३ दशक लामो फिल्म यात्रामा उनले २ सयभन्दा बढी फिल्ममा अभिनय गरिसकेका छन् ।
हामी तीन भाइ, देउताु, अल्लारेु, अजम्बरी नाता, पालेदाई, आशीर्वाद जस्ता फिल्म उनका हिट मानिन्छन् । उनले धेरै निर्मातालाई धनी पनि बनाए । एक समय उनी नेपाली फिल्मका निर्विकल्प अभिनेता थिए ।
काँचको पर्दामा शहरियादेखि गाउँले युवकको भूमिकासम्म निर्वाह गरेका उनलाई ‘बिद्धान नायक’ को रुपमा पनि चित्रित गरिएको पाइन्छ । राजेश हमालले आफ्नो विद्यालय स्तरिय शिक्षा मस्कोबाट र उच्च शिक्षा (एम ए अङ्ग्रेजी) भारतको पञ्जाब विश्वविद्यालयबाट पूरा गरेका हुन् ।
नेपालमा कक्षा ८ सम्म सेन्ट जेभियर स्कूलमा उनले अध्ययन गरेका थिए । सन् १९८५ मा भारतको फेसन नेट म्यागजिनमा र सन् १९८६ मा नेपालको काठमाडौंमा र्याम्पमा हिँडेर ग्ल्यामर दुनियाँमा प्रवेश गरेका उनले एक वर्षमा औषत १०÷१२ वटा फिल्ममा समेत अभिनय गरेका थिए ।
सन् १९९४ मा उनले १६ वटा फिल्ममा अभिनय गरेका थिए । एउटा पाकिस्तानी फिल्म पनि अभिनय गरेका उनका लागि आफूले गरेका फिल्ममध्ये देवता र वसन्ती सबैभन्दा मनपर्ने फिल्म हुन् । उनलाई नेपाली फिल्मका महानायक भनिन्छ ।
राष्ट्रिय नागरिक गोल्डेन अवार्ड, राष्ट्रिय चलचित्र पुरस्कार जस्ता पुरस्कार तथा सम्मान प्राप्त गरिसकेका उनको लभ लाइफ पनि उत्तिकै रोमाञ्चक छ । केही नायिकाहरुसँग उनको नाम जोडिएपनि ५० वर्षको उमेरमा वर्ष सन् २०१४ मा उनले मधु भट्टराईसँग विवाह गरे ।
अभिनेता हमाल अभिनीत पछिल्लो रिलिज फिल्म शकुन्तला हो । यसमा उनले एक महिलाको भूमिका निर्वाह गरेका थिए । यसपछि उनी पर्दाबाट टाढा छन् ।
काठमाडौं । नेपाली चलचित्र क्षेत्रका सुपरस्टार राजेश हमाल कति वर्ष पुगे होलान् ? उनका धेरै फ्यानको चासोको विषय हो यो । यिनै सुपरस्टार राजेश हमाल आइतबारदेखि ५५ वर्ष पूरा भई ५६ वर्षमा लागेका छन् । ९ जुन, १९६४ मा पाल्पाको तानसेनमा जन्मिएका हमालले २०४८ सालमा प्रदर्शनमा आएको फिल्म ‘युगदेखि युगसम्म’ बाट नेपाली रजतपटमा पाइला राखेका थिए ।
आफ्नै मामा स्वर्गीय दीपक रायमाझी निर्देशित यस फिल्मपछि उनले आफ्नो करिअर कहिल्यै पछाडि फर्किएर हेर्नु परेन । ३ दशक लामो फिल्म यात्रामा उनले २ सयभन्दा बढी फिल्ममा अभिनय गरिसकेका छन् ।
हामी तीन भाइ, देउताु, अल्लारेु, अजम्बरी नाता, पालेदाई, आशीर्वाद जस्ता फिल्म उनका हिट मानिन्छन् । उनले धेरै निर्मातालाई धनी पनि बनाए । एक समय उनी नेपाली फिल्मका निर्विकल्प अभिनेता थिए ।
काँचको पर्दामा शहरियादेखि गाउँले युवकको भूमिकासम्म निर्वाह गरेका उनलाई ‘बिद्धान नायक’ को रुपमा पनि चित्रित गरिएको पाइन्छ । राजेश हमालले आफ्नो विद्यालय स्तरिय शिक्षा मस्कोबाट र उच्च शिक्षा (एम ए अङ्ग्रेजी) भारतको पञ्जाब विश्वविद्यालयबाट पूरा गरेका हुन् ।
नेपालमा कक्षा ८ सम्म सेन्ट जेभियर स्कूलमा उनले अध्ययन गरेका थिए । सन् १९८५ मा भारतको फेसन नेट म्यागजिनमा र सन् १९८६ मा नेपालको काठमाडौंमा र्याम्पमा हिँडेर ग्ल्यामर दुनियाँमा प्रवेश गरेका उनले एक वर्षमा औषत १०÷१२ वटा फिल्ममा समेत अभिनय गरेका थिए ।
सन् १९९४ मा उनले १६ वटा फिल्ममा अभिनय गरेका थिए । एउटा पाकिस्तानी फिल्म पनि अभिनय गरेका उनका लागि आफूले गरेका फिल्ममध्ये देवता र वसन्ती सबैभन्दा मनपर्ने फिल्म हुन् । उनलाई नेपाली फिल्मका महानायक भनिन्छ ।
राष्ट्रिय नागरिक गोल्डेन अवार्ड, राष्ट्रिय चलचित्र पुरस्कार जस्ता पुरस्कार तथा सम्मान प्राप्त गरिसकेका उनको लभ लाइफ पनि उत्तिकै रोमाञ्चक छ । केही नायिकाहरुसँग उनको नाम जोडिएपनि ५० वर्षको उमेरमा वर्ष सन् २०१४ मा उनले मधु भट्टराईसँग विवाह गरे ।
अभिनेता हमाल अभिनीत पछिल्लो रिलिज फिल्म शकुन्तला हो । यसमा उनले एक महिलाको भूमिका निर्वाह गरेका थिए । यसपछि उनी पर्दाबाट टाढा छन् ।