रेडक्रस कृष्णपुर उपशाखाको सभा सम्पन्न

भरतपुर, २ फागुन । नेपाल रेडक्रस सोसाइटी कृष्णपुर उपशाखाको चौधौं उपशाखा सभा सम्पन्न भएको छ । नेपाल रेडक्रस सोसाइटी कृष्णपुर उपशाखा सभापति कृष्ण ढकालको अध्यक्षता एवं जिल्ला शाखाका सभापति ज्ञानशाली न्यौपानेको प्रमुख आतिथ्यमा उपशाखा सभा गरिएको हो । ्
्
कार्यक्रममा १० जनाले विशिष्ट सदस्यता लिएका छन् । पूर्व सांसद जगन्नाथ पौडेल, सुजना ढकाल, शान्ति कुवर , पार्वती कँडेल, रिना पराजुली, बाबुराम अधिकारी, भीमा गौतम , तारा पाण्डे , धनपती भुर्तेल ,हरि भट्टले जनही रु पच्चिस हजार प्रदान गरेर नेपाल रेडक्रस सोसाइटीको बिशिष्ट सदस्यता लिनुभएको हो । त्यस्तै पन्ध्र जनाले दैनिक एक रुपैयाँको दरले रेडक्रसलाई सहयोग गर्नुभएको छ ।

कार्यक्रममा विशिष्ट अतिथि बागमती प्रदेश सभा सदस्य मिलनबाबु श्रेष्ठ, संविधान सभा सदस्य अन्जनी श्रेष्ठ , पूर्व सांसद जगन्नाथ पौडेल, रेडक्रसका मन्त्री हरि पौडेल वडाध्यक्ष राजेन्द्रमणि काफ्ले , नेपाली काङ्ग्रेस भरतपुर ७ का सभापति काशिनाथ अधिकारी र नेकपा प्रतिनिधि धर्मराज प्रसाईंले मन्तव्य व्यक्त गर्नुभएको थियो ।