स्व:सुशील कोइरालाको छैठौं स्मृति दिवसको अवसरमा मानव सेवा आश्रममा खाना खुवाउने कार्यक्रम सम्पन्न

चितवन,२६ माघ । संबिधानका पिता,नेपाली कांग्रेसका पुर्व पाटी सभापति स्व:सुशील कोइरालाको छैठौं स्मृति दिवसको अवसरमा सुशील कोइराला सोसलिस्ट युथ सर्कल जिल्ला कार्यसमिति चितवनले आज मानव सेवा आश्रममा खाना खुवाएको छ।

भरतपुर १०बाइपास रोडमा अवस्थित मानव सेवा आश्रममा भएको कार्यक्रम नेपाली कांग्रेसका पुर्व जिल्ला पार्टी सभापति,संबिधान सभा सदस्य रामकृष्ण घिमिरे को प्रमुख आतिथ्यतामा भएकोको कार्यक्रममा नेपाली कांग्रेस चितवनका सचीव राजिव न्यौपाने,नेपाली कांग्रेस भरतपुर महानगरका प्रवक्ता सुरज पाठक बिशिस्ट अतिथी रहनुभएको सो कार्यक्रम सुशील कोइराला सोसलिस्ट युथ सर्कल जिल्ला कार्यसमिति चितवनका अध्यक्ष अमृत मिश्रको अध्यक्षतामा सम्पन्न भएको थियो।

उक्त कार्यक्रम मानव सेवा आश्रममा रहेका ७० जना अनाथ,बेसहारा,अपांगता भएका व्यक्तिहरुलाई खाना खुवाइएको हो।सो कार्यक्रममा बोल्दै प्रमुख अतिथी घिमिरेले सुशील कोइरालाको नामबाट स्थापित सर्कलले उहाँकै स्मृति दिवसमा गरेको पुण्य काम सरहानीय भएको बताउदै स्व:सुशील कोइरालाप्रती श्रद्धासुमन अर्पण गर्दै उहाँले देखाउनुभएको बाटोमा र उहाँले बिताउनुभएको सरल जीवनको पाठ हामी सबैले सिको गर्न पर्नेमा जोड दिनुभयो।

उक्त कार्यक्रममा नेपाल बिद्यार्थी संघका सह-सचिव सुवास कोइरालाले स्वागत मन्तव्य राख्नुभएको थियो।