ने.बि.संघ इकाई समिती सप्तगण्डकि बहुमुखी क्याम्पसको अध्यक्षमा गुरुङ सर्वसम्मत

रविन देवकोटा – चितवन,२१ माघ । नेपाल बिद्यार्थी संघ इकाई समिती सप्तगण्डकि बहुमुखी क्याम्पस भरतपुरको ११औं अधिबेशन सम्पन्न भएको छ।

उक्त अधिबेशन बाट ने.बि.संघ इकाई समिती सप्तगण्डकि बहुमुखी क्याम्पसको अध्यक्षमा साजन गुरुङ,उपाध्यक्षमा सुशील कोइराला,दिपेश आचार्य धनबहादुर नेपाली,दिपेश पराजुली,कमल भुजेल सचीवमा सुलर्भ मिश्र लगायतको ३२कार्यसमिति बिद्यार्थी भेलाबाट सवर्सम्मत चयन गरिएको छ।

ने.बि.संघ इकाई समिती सप्तगण्डकि बहुमुखी क्याम्पसका पुर्व अध्यक्ष,पुर्व स्ववियु सभापति, पुर्व केन्द्रिय सदस्य,चितवनका चर्चित युवा नेता पर्मेश्वर खनालको प्रमुख आतिथ्यतामा सम्पन्न भएको सो कार्यक्रममा ने.बि.संघ इकाई समिती सप्तगण्डकि बहुमुखी क्याम्पसका पुर्व अध्यक्ष कृष्ण बगाले बिशिस्ट अतिथी रहनुभएको थियो भने नेपाली कांग्रेस भरतपुर ४का सचीव ईश्वर श्रेष्ठ,ने.बि.संघ इकाई समिती अरुणोदय कलेजका सभापति कृष्ण सापकोटा लगायत अन्य बिद्यार्थी नेताहरु अतिथी रहनु भएको थियो।

सो कार्यक्रममा बोल्दै प्रमुख अतिथी खनालले सप्तगण्डकि बहुमुखी क्याम्पसले गरेको यो अधिबेशन बाट जिल्ला,केन्द्र सबैले पाठ सिक्न जरुरी रहेको बताउदै आफू ने.बि.संघको बिधान र नीतिलाई आत्मसात गर्दै अगाडि बढेको र बिद्यार्थीहरुको समस्याहरुलाइ आफ्नै समस्या सम्झि हरपल सहयोग गर्न तप्पर रहेको बताउनुभयो।

सो अधिबेशन आज बाट निवर्तमान हुनुभएको ने.बि.संघ इकाई समिती सप्तगण्डकि बहुमुखी क्याम्पसका अध्यक्ष राजेश भुषालको अध्यक्षतामा सम्पन्न भएको हो।