गीतानगर जेसीज र गीतानगर जुनियर जेसीजको आयोजनामा सहिदहरुको सम्झनामा दिप प्रज्वलन

रविन देवकोटा- चितवन,१६ माघ  ।  आज माघ १६गते सहिद दिवसको अवसरमा गीतानगर जेसीज र गीतानगर जुनियर जेसीजको संयुक्त आयोजनामा सहिदहरुको सम्झनामा दिप प्रज्वलन गरेको छ।

भरतपुर ६ गीतानगर बि.पी.चोकमा नेपालको झण्डा अंकित चित्र बनाई दिप प्रज्वलन गरिएको हो। भरतपुर ६का वडा अध्यक्ष हरिबिलास कोइरालाको प्रमुख आतिथ्यतामा भएको कार्यक्रम गीतानगर जेसीज बर्ष २०२१का अध्यक्ष जेसी अर्जुन पौडेलको अध्यक्षतामा सम्पन्न भएको हो।

उक्त कार्यक्रममा बोल्दै प्रमुख अतिथी कोइरालाले सहिदहरुप्रती भावपुर्ण श्रद्धाञ्जली अर्पण गर्दै सहिदहरुले नेपालको लागि बगाएको रगतलाई सधैं सम्मान गर्न र सहिदहरुलाई एकदिन मात्र हैन हरेक दिन सम्झनुपर्छ भन्दै सहिदहरुले देशको लागि गरेको त्यागबाट पाठ सिक्न समेत सबैलाई अनुरोध गर्नुभएको थियो।

उक्त दिप प्रज्वलन कार्यक्रमको जु.जेसी शर्मिका कार्की कार्यक्रम संयोजक रहनुभएको थियो भने उक्त दिप प्रज्वलन कार्यक्रममा गीतानगर जुनियर जेसीज बर्ष २०२१का अध्यक्ष जु.जेसी बिन्दु कोइरालाले स्वागत मन्तव्य राख्नुभएको थियो।उक्त कार्यक्रम गीतानगर जुनियर जेसीज बर्ष २०२१कि महासचिव मनिता तामाङले संन्चालन गर्नुभएको थियो।