चितवनमा कोरोना संक्रमित घट्दै

चितवन, १२ मंसिर । कुनै समय जिल्लाका अस्पताल भरिभराउ हुने गरी फैलिएको कोरोना (कोभिड १९) संक्रमण विस्तारै कम हुँदै गएको छ । हाल जिल्लामा रहेका कोरोना संक्रमित मध्ये १२ जना मात्रै अस्पतालमा रहेका छन् । जिल्लामा हाल रहेका १४४ जना सक्रिय संक्रमित मध्ये १२ जना अस्पतालमा रहेका हुन् । संक्रिय संक्रमित मध्ये १३२ जना होम आईसोलेसनमा रहेका छन् ।

जिल्ला स्वास्थ्य कार्यालय चितवनका अनुसार आईतबारसम्म जिल्लामा ६ हजार ६५६ जना संक्रमित पुगेका छन् । संक्रमित मध्ये १०४ जनाको मृत्यु भएको कार्यालयले जनाएको छ ।

हालसम्म ४१ हजार ६७२ जनाको स्वाब परीक्षण गरिएको छ । हालसम्म संक्रमित मध्ये सबैभन्दा बढी भरतपुर महानगरपालिकाका रहेका छन् । जहाँका ४ हजार ७८९ जना संक्रमित हुन् । यसैगरी रत्ननगरका ७७६ जना, खैरहनीका ४०४ जना, राप्तीका ३१९ जना, कालिकाका १८९ जना र ईच्छाकामनाका १८९ संक्रमित भएका छन् । संक्रमित मध्ये ३ हजार ९५५ जना पुरुष र २ हजाार ६९८ महिला रहेको कार्यालयको तथ्यांकमा उल्लेख छ ।