कांग्रेस माथि पटकपटक गद्दार गरेका प्रचण्ड देखि होसियार रहन आग्रह:युवा नेता कोइराला

चितवन,८ माघ । नेपाली कांग्रेस भरतपुर महानगरपालिका वडा नं ६ले आज सरकारले गरेको असंवैधानिक संसद विघटनको विरुद्ध बृहत बिरोध र्याली गरेको छ।

भरतपुर ६ चोकबजार बाट र्याली सहित निस्किएको उक्त जुलुस गीतानगरको बिपि चोकमा गइ कोणसभामा परिणत भएको थियो। उक्त कोण सभामा नेपाली कांग्रेसका पुर्व जिल्ला सभापति टिकारम न्यौपाने प्रमुख अतिथी रहनुभएको थियो।उक्त बिरोध सभामा नेपाली कांग्रेसका महासमिति सदस्य,युवा नेता दिनेश कोइराला,जिल्ला प्रतिनिधि नेपाली कांग्रेस जिल्ला सदस्य उद्वव लोहनी बिशिस्ट अतिथी रहनुभएको थियो।

कार्यक्रममा भरतपुर ६का वडा अध्यक्ष हरिबिलास कोइराला,नेपाल महिला संघकी नगर सभापति शारदा पोख्रेल,नेपाली कांग्रेस आमन्त्रित सदस्य बिष्णु बहादुर थापा,क्षेत्रीय सदस्य रमेश कोइराला,नेपाली कांग्रेस पुर्व जिल्ला सचीव केदारनाथ कोइराला लगायतको अग्रज नेता तथा कार्यकताको बाक्लो उपस्थिति रहेको थियो।

कार्यक्रममा बोल्दै बिशिस्ट अतिथी कोइरालाले नेकपा सरकारले यो साढे तीन बर्ष भ्रष्टाचारमा चुर्लुम्म डुवेर भ्रष्टाचार गरेको दक्षिणामा भागबन्डा नमिल्दा आफ्नो आन्तरिक दण्डले देशलाइ असंवैधानिक कदम मार्फत संसद विघटन गरेर देशलाइ संकटको अवस्थामा पुर्याएको बताउदै नेकपाका नेताहरु देश डुबाएर बर्बाद बनाएपछि ललिपप लिदै नेताहरुको घरदैलोमा डुलिरहेका छन्”हामी हाम्रा नेतालाइ सचेत गर्न चाहन्छौं नेकपाको गुलियो ललिपप भंयकर बिषालु हुन्छ सो बिषालु ललिपपबाट जोगिन र कांग्रेस माथि पटकपटक गद्दार गरेका प्रचण्ड देखि होसियार रहन समेत आफ्ना पार्टीका केन्द्रिय नेताहरुलाई आग्रह गर्नुभएको छ”।

त्यस्तै उक्त कार्यक्रममा बोल्दै प्रमुख अतिथी न्यौपानेले सरकारले गरेको यो संसद विघटन संविधान विपरीत भएको र संविधान माथि नै ठूलो प्रहार गरेको आरोप लगाउनुभएको छ। सो कार्यक्रम नेपाली कांग्रेस भरतपुर ६ का वडा सभापति सुर्यप्रसाद अधिकारीको सभापतित्वमा सम्पन्न भएको थियो।