बिपी राजमार्गमा स्वतन्त्र राष्ट्रिय अभियानको वृहत सफाई कार्यक्रम
/१६ जेष्ठ २०७६, बिहीबार २२:२२
काठमाडौं । स्वतन्त्र राष्ट्रिय अभियान नेपालले बिपी राजमार्गमा बिहीबारदेखि वृहत सरसफाई कार्यक्रम शुरु गरेको छ । धुलिखेलदेखि बर्दिबाससम्मको १ सय ५८ दशमलव ९ किमी सडक क्षेत्रमा एक साता सफाई कार्यक्रम शुरु गरिएको अभियानले जनाएको छ ।
वृहत सफाई कार्यक्रमको बिहीबार धुलिखेलबाट आयोजक अभियानका सबै सदस्यहरुले फोहोर उठाएर सामुहिक रुपमा उद्घाटन गरेका थिए । अभियानमा स्वतन्त्र राष्ट्रिय खेलाडी महासंघ अन्तर्गत हिमालयन आर्टस् एकेडेमीका खेलाडीहरु आबद्ध छन् । नेपालमा वृहत रुपमा राजमार्गको फोहोर संकलन र त्यसको ब्यबस्थापन गर्न लागिएको संभवत यो पहिलो भएको अभियानले दावी गरेको छ ।
अभियानमा खटिएका स्वंयसेवकले दैनिक ३० किमी सडक र वरपरका फोहोर संकलन गर्नेछन् । संकलित फोहोरलाई कुनै एक स्थानमा थुपारेर राख्ने र एक सातापछि सबै फोहोर गाडीमा उठाएर निश्चित स्थानमा स्थायी व्यवस्थापन गर्ने खेलाडी महासंघका अध्यक्ष तथा बिपी राजमार्ग सरसफाई कार्यक्रमका संयोजक सेफर्ड लिम्बुले जानकारी दिए । ‘हामीले स्थानीयबीच समन्वय गरेर फोहोर उठाउँछौं,’ उनले भने, ‘यो कार्यक्रममा फोहोर संकलन र स्थानीयबीच कार्यक्रम पनि संचालन हुनेछ ।’
सफाई कार्यक्रम अन्तर्गत खटिने स्वयंसेवकहरुले पालमा सुत्ने र आफै खाना बनाएर खाने गर्नेछन् । यसलाई खर्चिलो र भड्किलो नबनाउन होटलमा नभई स्वयंले खाने बस्ने व्यवस्था गरेर एक साताको कार्यक्रम थालनी गरिएको लिम्बुले जानकारी दिए । सड्ने र नसड्ने फोहोर छुट्याएर त्यसको आधुनिक तरिकाले व्यवस्थापन गरिने उनले बताए । सफाई कार्यक्रममा अभियानका १६ जना सदस्य तथा स्वयंसेवक खटिएका छन् ।
उद्घाटन कार्यक्रममा अभियानका केन्द्रीय संयोजक स्वागत नेपालले एकै पटक यति लामो दुरीको सफाई अभियान यो पहिलो भएको जानकारी दिंदै यसले बृहत चेतनामूलक जागरण ल्याउने बताए । उनले यो सफाई कार्यक्रम मितब्ययी र बढि प्रभावकारी हुने बिश्वास व्यक्त गरे । उनले भने, ‘हामीले सरकार र नेताको आलोचना मात्र गर्देनौं, देशका लागि सकेको केहि गरेर देखाउँछौं ।’
अभियानका प्रवक्ता विनोद त्रिपाठीले यो कार्यक्रमले जनतालाई जागरुक बनाउने र सरकारलाई कर्तब्यबोध गराउने बिश्वास व्यक्त गरे । स्वतन्त्र राष्ट्रिय अभियानका सचिव राजु मगरातीले समाजलाई सुन्दर र सफा बनाउन युवाहरुको सक्रियता आवश्यक रहेको औंल्याए ।
अभियानले शुरु गरेको बृहत सरसफाई कार्यक्रममा स्थानीयको उल्लेख्य उपस्थिति रहेको थियो । सफाई कार्यक्रममा स्थानीयले उत्साहपूर्वक अभियानका स्वयंसेवकलाई साथ दिएका थिए । एक सातासम्म हुने बृहत सफाई अभियान काभ्रेको धुलिखेलबाट शुरु भएर बर्दिबास बजारमा गएर सकिने आयोजकले जनाएको छ ।
काठमाडौं । स्वतन्त्र राष्ट्रिय अभियान नेपालले बिपी राजमार्गमा बिहीबारदेखि वृहत सरसफाई कार्यक्रम शुरु गरेको छ । धुलिखेलदेखि बर्दिबाससम्मको १ सय ५८ दशमलव ९ किमी सडक क्षेत्रमा एक साता सफाई कार्यक्रम शुरु गरिएको अभियानले जनाएको छ ।
वृहत सफाई कार्यक्रमको बिहीबार धुलिखेलबाट आयोजक अभियानका सबै सदस्यहरुले फोहोर उठाएर सामुहिक रुपमा उद्घाटन गरेका थिए । अभियानमा स्वतन्त्र राष्ट्रिय खेलाडी महासंघ अन्तर्गत हिमालयन आर्टस् एकेडेमीका खेलाडीहरु आबद्ध छन् । नेपालमा वृहत रुपमा राजमार्गको फोहोर संकलन र त्यसको ब्यबस्थापन गर्न लागिएको संभवत यो पहिलो भएको अभियानले दावी गरेको छ ।
अभियानमा खटिएका स्वंयसेवकले दैनिक ३० किमी सडक र वरपरका फोहोर संकलन गर्नेछन् । संकलित फोहोरलाई कुनै एक स्थानमा थुपारेर राख्ने र एक सातापछि सबै फोहोर गाडीमा उठाएर निश्चित स्थानमा स्थायी व्यवस्थापन गर्ने खेलाडी महासंघका अध्यक्ष तथा बिपी राजमार्ग सरसफाई कार्यक्रमका संयोजक सेफर्ड लिम्बुले जानकारी दिए । ‘हामीले स्थानीयबीच समन्वय गरेर फोहोर उठाउँछौं,’ उनले भने, ‘यो कार्यक्रममा फोहोर संकलन र स्थानीयबीच कार्यक्रम पनि संचालन हुनेछ ।’
सफाई कार्यक्रम अन्तर्गत खटिने स्वयंसेवकहरुले पालमा सुत्ने र आफै खाना बनाएर खाने गर्नेछन् । यसलाई खर्चिलो र भड्किलो नबनाउन होटलमा नभई स्वयंले खाने बस्ने व्यवस्था गरेर एक साताको कार्यक्रम थालनी गरिएको लिम्बुले जानकारी दिए । सड्ने र नसड्ने फोहोर छुट्याएर त्यसको आधुनिक तरिकाले व्यवस्थापन गरिने उनले बताए । सफाई कार्यक्रममा अभियानका १६ जना सदस्य तथा स्वयंसेवक खटिएका छन् ।
उद्घाटन कार्यक्रममा अभियानका केन्द्रीय संयोजक स्वागत नेपालले एकै पटक यति लामो दुरीको सफाई अभियान यो पहिलो भएको जानकारी दिंदै यसले बृहत चेतनामूलक जागरण ल्याउने बताए । उनले यो सफाई कार्यक्रम मितब्ययी र बढि प्रभावकारी हुने बिश्वास व्यक्त गरे । उनले भने, ‘हामीले सरकार र नेताको आलोचना मात्र गर्देनौं, देशका लागि सकेको केहि गरेर देखाउँछौं ।’
अभियानका प्रवक्ता विनोद त्रिपाठीले यो कार्यक्रमले जनतालाई जागरुक बनाउने र सरकारलाई कर्तब्यबोध गराउने बिश्वास व्यक्त गरे । स्वतन्त्र राष्ट्रिय अभियानका सचिव राजु मगरातीले समाजलाई सुन्दर र सफा बनाउन युवाहरुको सक्रियता आवश्यक रहेको औंल्याए ।
अभियानले शुरु गरेको बृहत सरसफाई कार्यक्रममा स्थानीयको उल्लेख्य उपस्थिति रहेको थियो । सफाई कार्यक्रममा स्थानीयले उत्साहपूर्वक अभियानका स्वयंसेवकलाई साथ दिएका थिए । एक सातासम्म हुने बृहत सफाई अभियान काभ्रेको धुलिखेलबाट शुरु भएर बर्दिबास बजारमा गएर सकिने आयोजकले जनाएको छ ।