पत्रकार तुलमानलाई लक्ष्मी गुरुङ पत्रकारिता पुरस्कार

चितवन, पुस २६। चितवन पोष्टकर्मी पत्रकार तुलमान गुरुङ लक्ष्मी गुरुङ पत्रकारिता पुरस्कारबाट सम्मानित हुनु भएको छ । तमू सञ्चारकर्मी संघले शनिबार काठमाडौंमा आयोजना गरेको कार्यक्रममा सञ्चार तथा सूचना प्रविधिमन्त्री पार्वत गुरुङले उक्त पुरस्कारबाट पत्रकार गुरुङलाई सम्मानित गर्नुभएको हो ।

पत्रकारिता क्षेत्रमा पु¥याएको योगदानको कदर गर्दै पत्रकार गुरुङलाई उक्त पुरस्कृत प्रदान गरिएको हो । पुरस्कारको राशी नगद १० हजार रुपैयाँ रहेको छ । झन्डै एक दशकदेखि चितवनमा रहेर पत्रकारिता क्षेत्रमा सक्रिय गुरुङसँग बेसो च्यानल, सिनर्जी एफएम, अन्नपूर्णपोष्ट लगायतका मिडियामा काम गरिसकेको अनुभव छ भने हाल चितवन पोष्ट दैनिकमा कार्यरत हुनुहुन्छ । उहाँ आदिवासी जनजाति पत्रकार महासंघ (फोनिज) चितवनका सचिव समेत हुनुहुन्छ ।