नेकपा चितवनका दुई समूहका छुट्टाछुट्टै भेला, को कता जाला ?

चितवन । नेपाल कम्युनिष्ट पार्टी नेकपा चितवनका दुई समूहले छुट्टाछुट्टै कार्यक्रमको आयोजनना गरेका छन् । ओली समूहले भरतपुरको वसन्तचोक (कोकाकोला फ्याक्ट्री अगाडि) स्मार्ट पार्टी प्यालेस मा कार्यक्रम आयोजना गरेको छ भने प्रचण्ड–नेपाल समूहले भरतपुरको कृष्णपुरस्थित तत्कालिन माओवादी पार्टी कार्यालयमा कार्यक्रम आयोजना गरेको छ । उक्त भेलामा पार्टीका जिल्लास्तरका नेता तथा कार्यकर्ता को कता जाँलान् भन्ने विषयमा चर्चा चलेको छ ।

ओली समूहको नेकपा सचिवालय सदस्य तथा गृहमन्त्री रामबहादुर थापा ‘बादल’, पोलिटब्यूरो सदस्य तथा लुम्बिनी प्रदेशका मुख्यमन्त्री शंकर पोखरेल, नेकपा केन्द्रीय सदस्य तथा युवा नेता महेश बस्नेत, केन्द्रीय सदस्य तथा बागमती प्रदेश सहईञ्चार्ज काशीनाथ अधिकारी, बागमती प्रदेश सचिव आनन्द पोखरेल लगायतका नेताहरुले सम्बोधन गर्ने कार्यक्रम रहेको छ ।

प्रचण्ड–नेपाल समूहको भेलालाई पोलिटब्यूरो सदस्य भीम रावल, पूर्व मन्त्री योगेश भट्टराई, रामकुमारी झाँक्री लगायतका नेताले सम्बोधन गर्ने कार्यक्रम रहेको छ ।