जिप्रका चितवनमा नागरिकताको काम बिहान ८ बजेबाट

चितवन, १४ पुस । जिल्ला प्रशासन कार्यालय चितवनले बिहान ८ बजेबाट नै नागरिकता सम्बन्धी काम गर्ने भएको छ । कार्यालयले आज मंगलबार एक सूचना प्रकाशित गरी सार्वजनिक विदाको दिन बाहेक हरेक दिन बिहान ८ बजेबाट उक्त सेवा दिने जनाईएको हो ।

कार्यालयका प्रशासकीय अधिकृत खेमराज पौडेलद्वारा जारी सूचनामा नयाँ नागरिकता तथा प्रतिलिपि नागरिकता लिने सेवाग्राहीको अत्याधिक भिड बढेका कारण बिहानैदेखि सेवा दिन थालिएको जनाईएको छ । पुस १५ गतेदेखि यो सेवा शुरु हुने छ । नयाँ नागरिकता र प्रतिलिपि नागरिकता बाहेकका अन्य सेवा भने १० बजेबाट नै शुरु हुने सूचनामा उल्लेख छ ।