संसद विघटनको विरोधमा नेपाली कांग्रेसले आज चितवनमा विरोध प्रदर्शन गर्दै

चितवन, १३ पौष।    संसद विघटनको विरोधमा नेपाली कांग्रेसले आज चितवन लगाएत देशभर विरोध प्रदर्शन गर्दै छ । सरकारको असंबैधानीक र अलोकतान्त्रीक कदमको बिरुद्धमा चितवनका तीनै निर्वाचन क्षेत्रमा नारा, जुलुस र र्याली सहित प्रदर्शन गर्न लागिएको नेपाली कांग्रेस चितवनका सभापति जितनारायण श्रेष्ठले जानकारी दिए । काँग्रेसले यसपटक निर्वाचन क्षेत्र अनुसार प्रदर्शन गर्ने भएको हो ।

चितवनमा क्षेत्र नं १ अन्तरगत पर्सा बजारको चौविसकोठी, क्षेत्र नं.२ अन्तरगत चौविसकोठी भरतपुर र क्षेत्र नं.३ अन्तरगत चनौली बजारमा प्रदर्शन गर्न लागिएको सभापति श्रेष्ठले बताए । संघिय क्षेत्र आयोजनामा हुने प्रदर्शनमा सबै भातृ संस्था, शुभेच्छुक एबं चितवनबासी सबैलाई उपस्थितिका लागि काँग्रेस चितवनले अनुरोध गरेको छ ।

काँग्रेसका केन्द्रीय कार्यक्रम अनुसार सबै क्षेत्रमा दिउँसो १ बजे आयोजना गरिने सो प्रदर्शनमा जिल्लाका नेताहरुले सम्बोधन गर्ने कार्यक्रम रहेको छ ।