विघटित प्रतिनिधिसभामा प्रतिनिधित्व गरेका नेकपाका सांसदहरुले छुट्टाछुट्टै छलफलको तयारी

काठमाडौं, ६ पुस ।  विघटित प्रतिनिधिसभामा प्रतिनिधित्व गरेका नेकपाका सांसदहरुले छुट्टाछुट्टै छलफलको तयारीमा लागेका छन् ।

अध्यक्ष ओली पक्षधर सांसदहरुको छलफल बालुवाटारमा बोलाइएको छ । ओली पक्षका सांसदहरुको भेला बिहान ९ बजे रहेको छ। यता प्रचण्ड–माधव पक्षधरका सांसदहरुको भेला बानेश्वस्थित अन्तर्राष्ट्रिय सम्मेलन केन्द्रको लोत्से हलमा दिउँसो १ बजे बोलाइएको नेता कृष्णभक्त पोखरेलले बताउनुभयो।

दुवै पक्षको भेलामा संसद विघटन पछि सिर्जना भएको राजनीतिक घटनाक्रमका विषयमा छलफल हुने नेताहरुले बताएका छन्।