घट्टेकुलोको बिष्फोटमा ज्यान गुमाउने शाही अखिल क्रान्तिकारीका केन्द्रीय सदस्य

काठमाडौँ । काठमाडौँको घट्टेकुलोमा बम बिष्फोटमा ज्यान गुमाउने नेकपा बिप्लब सम्बद्ध अनेरास्ववियू क्रान्तिकारीका केन्द्रीय सदस्य प्रज्वल शाही रहेको खुलेको छ ।

कालिकोट घर भएका शाही अखिल क्रान्तिकारीको केन्द्रीय सदस्यका साथै संगठनको सिटीइभिटी उपत्यका कमिटीका अध्यक्षसमेत रहेका थिए । घट्टेकुलोको एउटा घरको माथिल्लो तलामा आइतबार बम बिष्फोट हुँदा उनको घटनास्थलमै ज्यान गएको थियो ।

उक्त बिष्फोटमा अखिल क्रान्तिकारी त्रिचन्द्र कलेजका इकाई अध्यक्ष रविन केसी घाइते भएका छन् । बम बनाउँदै गर्दा बिष्फोट भएको प्रहरीले जनाएको छ ।

घट्टेकुलोमा भएको बिष्फोटमा ज्यान गुमाउने प्रज्वल शाही ।