हिमाली टोलमा खनालको नेतृत्व

भरतपुर । भरतपुर महानगरपालिका–१० मा रहेको हिमाली टोलविकास संस्थाको दोस्रो अधिवेशन तथा तेस्रो साधारण सभा नयाँ नेतृत्व चयन गर्दै सम्पन्न भएको छ ।

भरतपुर–१० का वडा अध्यक्ष अरुण पीडित भण्डारीको प्रमुख आतिथ्य एवम् संस्थाका अध्यक्ष शोभासचन्द्र धितालको अध्यक्षतामा भएको सो साधारण सभा तथा अधिवेशनले बद्री खनालको अध्यक्षतामा नयाँ कार्यसमिति चयन गरेको छ । संस्थाको उपाध्यक्षमा साधना पोखरेल, सचिवमा मुन्नीदेवी पोखरेल, र कोषाध्यक्षमा डिलकुमार श्रेष्ठसहित ११ सदस्यीय कार्यसमिति सर्वसम्मत चयन भएका छन् ।

सोही अवसरमा रेवती सापकोटा अध्यक्ष रहने गरी उपाध्यक्षमा निर्मला पौडेल, सचिवमा सीता भट्टराई, कोषाध्यक्षमा सीता विष्टसहित ११ सदस्यीय आमा समूह गठन गरिएको छ ।

कार्यक्रममा प्रमुख अतिथि वडा अध्यक्ष भण्डारी, वडा सदस्य माया नेपाली, जनशीतल टोलका उपाध्यक्ष राजेन्द्र अर्याल, समाजसेवी प्रदीपकुमार पोखरेल,संस्थाका सल्लाहकार भानु उपाध्याय, जनक अधिकारी, डा.हरिहर पोखरेल, खड्गकुमार श्रेष्ठ, आमा समूहकी अध्यक्ष नारायणी लम्साललगायतले शुभकामना मन्तव्य व्यक्त गरेका थिए । संस्थाकी सचिव साधना पोखरेलले कार्यक्रम सञ्चालन गरेकी थिइन् ।