गीतानगर जेसीजको नयाँ कार्य समिति गठन ,अध्यक्षमा अर्जुन पौडेल निर्बिरोध निर्बाचित

चितवन, मंसिर, २२। गीतानगर जेसीज शाखा चितवनको नयाँ कार्य समितिको अध्यक्षमा अर्जुन पौडेल निर्बिरोध निर्बाचित हुनु भएको छ। शाखाको १९ औं अधिवेशन तथा बार्षिक साधरणसभाकोले पौडेलको अध्यक्षतामा ११ सदस्यीय नयाँ कार्य समिति चयन गरेको हो ।

समितिको कार्यकारिणी उपाध्यक्षमा सागर सुवेदी, शोभाकर पौडेल, उपाध्यक्षहरुमा रबिन देबकोटा ,आरोग्य श्रेष्ठ ,नबिन आचार्य , निशान्त कोईराला रहेका छन् ।

यस्तै महा सचिवमा प्रविन पोख्रेल, कोषाध्यक्षमा विशाल कोईराला, कानुनी सल्लाहकारमा प्रकाश ढुंगानालाई चयन गरेको छ । कार्यक्रम संयोजक जेसी प्रनिशा गुरूङले वर्ष २०२१ का लागि जेसी अर्जुन पौडेलको अध्यक्ष ११ सदस्यीय नयाँ कार्य समिति चयन भएको जानकारी दिनुभयो ।

गीतानगर जेसीज वर्ष २०२० का सभापति जेसी युवराज अधिकारीको अध्यक्षतामा सम्पन्न भएको कार्यक्रममा प्रमुख अतिथि गीतानगर जेसीजका संस्थापक अध्यक्ष एंव नेपाल जेसीज पुर्व राष्ट्रिय अध्यक्ष सिनेटर जेसी दिनेश कोइराला, बिशिस्ट अतिथि निर्वाचन आयुक्त तथा नेपाल जेसीज राष्ट्रिय उपाध्यक्ष जेसी कृष्ण सापकोटा लगायत पुर्व अध्यक्षहरूको उपस्थिति रहेको थियो ।