पाँचथरमा नौ जनाको विभत्स हत्या

पाँचथर । पाँचथरको मिक्लाजुङ गाउँपालिका–३, आरुबोटेमा दुई परिवारका नौ जनाको विभत्स हत्या भएको छ । प्रहरीका अनुसार घटनामा एक बालिका घाइते भएकी छिन् ।

एक परिवारका पाँच र अर्को परिवारका चार गरी नौ जनाको हत्या भएको जिल्ला प्रहरी कार्यालय, पाँचथरका प्रहरी निरीक्षक अनिल पौडेलले जानकारी दिएका छन् । आक्रमणमा घाइते बालिकालाई उपचारका लागि अस्पताल लगिएको छ ।

उक्त घटना कसले र किन गरायो भन्ने खुल्न सकेको छैन । प्रहरी निरीक्षक पौडेलका अनुसार घटनाबारे जानकारी पाएलगत्तै प्रहरी टोली घटनास्थलतर्फ लागेको छ ।