सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

शुद्ध पिउने पानी प्रदान गर्न महानगर योजनाबद्ध ढंगले अगाडि बढेको छ : प्रमुख दाहाल


  •    न्युजभित्तो/१७ मंसिर २०७७, बुधबार ११:५३ 
  • भरतपुर, १७ मंसिर । भरतपुर महानगरपालिकाका प्रमुख रेनु दाहालले नगरवासीलाई गुणस्तरीय र शुद्ध पिउने पानी प्रदान गर्न महानगर योजनाबद्ध ढङ्गले अगाडी बढिरहेको बताउनु भएको छ । मंगलबार भरतपुर महानगरपालिका वडा नम्बर ६ मा गितानगर खानेपानी आयोजनाको ओभरहेड टंयाकी निर्माणको शिलान्यास गर्दै प्रमुख दाहालले सो कुरा बताउनु भएको हो ।

    उहाँले संविधानले शुद्ध पिउने पानीलाई नागरिकको नैसर्गिक अधिकारको रूपमा लिएकोले बताउदैं सोहि बमोजिम महानगरपालिका र बोर्ड मार्फत काम अगाडी बढाइरहेको जानकारी दिनुभयो । उहाँले खानेपानीलाई व्यवस्थित गर्न पाइपलाइन विस्तार र आयोजनाहरूको बिस्तारमा सरोकारवाला निकायहरूसँग समन्वय गरेर अगाडी बढ्न आग्रह गर्नुभयो ।

    भरतपुर खानेपानी बोर्डको अध्यक्ष समेत रहनुभएको प्रमुख दाहालले तोकिएकै समयमा गुणस्तरीय ढंगले योजना निर्माण सम्पन्न गर्न निर्माण ब्यवसायीलाई आग्रह गर्दै प्राविधिक र उपभोक्ता समितिलाई सहजिकरण र गुणस्तर कायममा अनुगमन गर्न निर्देशन समेत दिनुभएको छ । थुप्रै आयोजनाहरू अगाडी बढीरहेको उल्लेख गर्दै प्रमुख दाहालले भरतपुर महानगरपालिका वडा न ११ को जखडीमाइमा ८६ करोड रूपयाँको लागतमा खानेपानीको योजना निर्माण अन्तिम चरणमा पुगेको बताउनुभयो । उहाँले वडा न १९ को शारदानगरमा १८ ,१९ र २० न वडाका स्थानीयलाई सेवा प्रवाह हुने गरी ८४ करोडको लागतमा अर्को आयोजना पनि संचालन गर्ने गरी छलफल अन्तिम चरणमा पुगेको जानकारी थिइन् ।

    सोही कार्यक्रममा भरतपुर खानेपानी बोर्डका कार्यकारी निर्देशक प्रजापति दाहालले भरतपुर खानेपानी बोर्डले भरतपुर महानगरपालिकाको वडा न १ देखि १६ सम्म ब्यवस्थित प्रणाली मार्फत शुद्ध पिउने पानी उपलब्ध गराइरहेको बताउदै अन्य स्थानमा समेत बिस्तारको काम अगाडी बढिरहेको बताउनुभयो । बोर्डले साना ठूला सबै आयोजना निर्माण गरिरहेको बताउदै उहाँले यो आयोजना पनि तोकिएकै समयमा गुणस्तरीय ढंगले निर्माण गरी खानेपानी सेवा प्रवाह निर्वाध रुपले संचालन हुने बताउनुभयो । उहाँले बोर्डको तर्फबाट यस आयोजनालाइ गर्नुपर्ने आवश्यक सहयोग सम्पूर्ण उपलब्ध गराउने प्रतिबद्धता समेत व्यक्त गर्नुभयो ।

    संघीय खानेपानी तथा ढल व्यवस्थापन कार्यालयका प्रमुख सन्जय दासले गत आर्थिक बर्षमा डिप बोरिङ्ग निर्माण सम्पन्न भैसकेका बताउदै यस आर्थिक बर्षमा सम्पन्न गर्ने गरी १ करोड ४४ लाखको लागतमा ४ लाख ५० हजार लिटर क्षमताको पानी टंयाकी निर्माणको काम सुरू भएको बताउनुभयो । उहाँले यो योजना निर्माणको जिम्मा कृपा कन्सट्रक्सनले १ बर्ष भित्रमा सक्नेगरी आगाडी बढाएको पनि उहाँले जानकारी दिनुभयो । यस आयोजनाबाट वडा न ६ र यस वरपरका सेवाग्राहीहरू लाभान्बित हुनेछन् ।

    गितानगर खानेपानी आयोजनाका अध्यक्ष एवं वडा न ६ का वडा अध्यक्ष हरिबिलास कोइरालाको अध्यक्षतामा भएको कार्यक्रममा अध्यक्ष कोईरालाले तोकिएकै समयमा आयोजनाको काम सम्पन्न हुने प्रतिबद्धता व्यक्त गरेका थिए । भरतपुर महानगरपालिका क्षेत्र भित्र बोर्ड, आयोजना र उपभोक्ता समिति गरी महानगर क्षेत्र भित्र ८४ प्रतिशत शुद्ध र व्यवस्थित प्रणाली अन्तर्गत खानेपानीको पहुँच पुगेको भरतपुर खानेपानी बोर्डका कार्यकारी निर्देशक प्रजापति दाहालले बताउनुभयो ।

    तपाईको प्रतिक्रिया

    ताजा अपडेट

    यही मङ्सिर २५ देखि २७ सम्म भरतपुरमा ‘बिल्ड नेपाल एक्स्पो–२०२६’
    खलामा धान भर्दै स्थानीय सरकार
    भरतपुरमा छ स्थानमा खानेपानीका ‘ओभरहेड ट्याङ्की’ निर्माण गरिँदै
    • प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    • आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    • दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.