चितवन । नेपालको प्रजातान्त्रिक आन्दोलनका युद्धा नेपाली कांग्रेसका पुराना नेता खडानन्द पौडेलको निधन भएको छ । रत्ननगर नगरपालिका वडा नं. १, बकुलहर निवासी पौडेलको ९३ वर्षको उमेरमा सोमबार साँझ निधन भएको हो ।
बि.सं. २०१५ सालमा कांग्रेस नेता वीपी कोईरालासँगै गीत गाउँदै चुनावी अभियानमा जुट्नु भएका योद्धा पौडेलले जागरण फैलाउने काम गर्नुभएको थियो । “ईनक्लब दाजुभाई जिन्दावाद भनन्, तिमी पनि दाजुभाई कांग्रेसै बनन्” जस्ता गीत गाएर उहाँ चर्चामा आउनु भएको थियो ।
बि.सं. १९८५ साल बैशाख २८ गते बाग्लुङको बिनामारेमा जन्मिनु भएका पौडेलले भारतको वनारसबाट शास्त्री अध्ययन गर्नुभएको थियो । उहाँले बि.सं. २०१७ सालमा प्रजातान्त्रिक आन्दोलनको क्रममा १० महिना जेलजीवन बिताउनु भएको छ ।
पौडेल बि.सं. २०३६ सालको जनमतसंग्रहमा रत्ननगरको पार्टी उपाध्यक्ष, २०४६ सालको आन्दोलनमा नेपाली कांग्रेस र संयुक्त जनमोर्चाको रत्ननगर संयोजक, २०४४ सालदेखि २०५६ सालसम्म नेपाली कांग्रेस रत्ननगरको सभापति हुनु भएको कांग्रेस चितवनका सभापति जीतनारायण श्रेष्ठले न्यूजभित्तोलाई जानकारी दिनुभयो ।
भारतीय सेनाका धर्मगुरुको रुपमा १० वर्ष काम गर्नुभएका पौडेलले उक्त काम छोरी नेपाल आएपछि बाग्लुङको बिनामारे र चितवनको रत्ननगरमा शिक्षा र समाजसेवाको क्षेत्रमा पनि उल्लेखनीय कार्य गर्नुभएको छ ।
आफ्नो बाबुको चुनावमा समेत खटिनुभएका पौडेलको पार्थीव शरीरमा वीपी पुत्र एवं नेपाली कांग्रेसका महामन्त्री डा. शशांक कोईरालाले मंगलबार निवासमा पुगेर पार्टीको झण्डा ओढाएर अन्तिम श्रद्धाञ्जली अर्पण गर्नुभएको छ । पौडेलका चार छोरा मध्ये हाल तीन छोरा र दुई छोरी छन् । उहाँका छोरातर्फ १५ र छोरीतर्फ ४ गरी १९ नातिनातिना रहेका छन् ।
यस्तै महामन्त्री कोईरालाले आजै रत्ननगरमा दिवंगत हुनुभएका कांग्रेस नेता कृष्णप्रसाद पौडेलको पार्थीव शरीरमा पनि घरमै पुगेर पार्टीको झण्डा ओढाएर अन्तिम श्रद्धाञ्जली अर्पण गर्नुभएको छ । बि.सं. १९९३ फागुन १० गते बाग्लुङको अमलाचौरमा जन्मिनु भएका पौडेलले बि.सं. २००७ सालदेखि १७ सालसम्म पटक पटक जेल जीवन बिताउनु भएको थियो । बि.सं. २०४६ सालको जनआन्दोलनमा उहाँको टाउकोमा गोली लागेको कांग्रेस चितवनले जनाएको छ । उहाँका दुई छोरा र चार छोरी छन् । दुवै जनाको आजै मंगलबार देवघाटमा अन्त्येष्टि गरिएको छ ।
चितवन । नेपालको प्रजातान्त्रिक आन्दोलनका युद्धा नेपाली कांग्रेसका पुराना नेता खडानन्द पौडेलको निधन भएको छ । रत्ननगर नगरपालिका वडा नं. १, बकुलहर निवासी पौडेलको ९३ वर्षको उमेरमा सोमबार साँझ निधन भएको हो ।
बि.सं. २०१५ सालमा कांग्रेस नेता वीपी कोईरालासँगै गीत गाउँदै चुनावी अभियानमा जुट्नु भएका योद्धा पौडेलले जागरण फैलाउने काम गर्नुभएको थियो । “ईनक्लब दाजुभाई जिन्दावाद भनन्, तिमी पनि दाजुभाई कांग्रेसै बनन्” जस्ता गीत गाएर उहाँ चर्चामा आउनु भएको थियो ।
बि.सं. १९८५ साल बैशाख २८ गते बाग्लुङको बिनामारेमा जन्मिनु भएका पौडेलले भारतको वनारसबाट शास्त्री अध्ययन गर्नुभएको थियो । उहाँले बि.सं. २०१७ सालमा प्रजातान्त्रिक आन्दोलनको क्रममा १० महिना जेलजीवन बिताउनु भएको छ ।
पौडेल बि.सं. २०३६ सालको जनमतसंग्रहमा रत्ननगरको पार्टी उपाध्यक्ष, २०४६ सालको आन्दोलनमा नेपाली कांग्रेस र संयुक्त जनमोर्चाको रत्ननगर संयोजक, २०४४ सालदेखि २०५६ सालसम्म नेपाली कांग्रेस रत्ननगरको सभापति हुनु भएको कांग्रेस चितवनका सभापति जीतनारायण श्रेष्ठले न्यूजभित्तोलाई जानकारी दिनुभयो ।
भारतीय सेनाका धर्मगुरुको रुपमा १० वर्ष काम गर्नुभएका पौडेलले उक्त काम छोरी नेपाल आएपछि बाग्लुङको बिनामारे र चितवनको रत्ननगरमा शिक्षा र समाजसेवाको क्षेत्रमा पनि उल्लेखनीय कार्य गर्नुभएको छ ।
आफ्नो बाबुको चुनावमा समेत खटिनुभएका पौडेलको पार्थीव शरीरमा वीपी पुत्र एवं नेपाली कांग्रेसका महामन्त्री डा. शशांक कोईरालाले मंगलबार निवासमा पुगेर पार्टीको झण्डा ओढाएर अन्तिम श्रद्धाञ्जली अर्पण गर्नुभएको छ । पौडेलका चार छोरा मध्ये हाल तीन छोरा र दुई छोरी छन् । उहाँका छोरातर्फ १५ र छोरीतर्फ ४ गरी १९ नातिनातिना रहेका छन् ।
यस्तै महामन्त्री कोईरालाले आजै रत्ननगरमा दिवंगत हुनुभएका कांग्रेस नेता कृष्णप्रसाद पौडेलको पार्थीव शरीरमा पनि घरमै पुगेर पार्टीको झण्डा ओढाएर अन्तिम श्रद्धाञ्जली अर्पण गर्नुभएको छ । बि.सं. १९९३ फागुन १० गते बाग्लुङको अमलाचौरमा जन्मिनु भएका पौडेलले बि.सं. २००७ सालदेखि १७ सालसम्म पटक पटक जेल जीवन बिताउनु भएको थियो । बि.सं. २०४६ सालको जनआन्दोलनमा उहाँको टाउकोमा गोली लागेको कांग्रेस चितवनले जनाएको छ । उहाँका दुई छोरा र चार छोरी छन् । दुवै जनाको आजै मंगलबार देवघाटमा अन्त्येष्टि गरिएको छ ।