चितवनका पहाडी क्षेत्रमा पचास बिघामा लगाईको गाँजा नष्ट
न्युजभित्तो/१० मंसिर २०७७, बुधबार ०७:५५
चितवन । प्रहरीले जिल्लाका पहाडी क्षेत्रमा करिब ५० विगाहा क्षेत्रफलमा लगाएको गाँजा नष्ट गरेको छ । राप्ती नगरपालिकाको वडा नं. ११, १२ र १३ का विभिन्न ठाउँमा लगाईएको गाँजा नष्ट गरिएको हो ।
जिल्ला प्रहरी कार्यालय चितवनले दिएको जानकारी अनुसार मसिंर ६ गतेदेखि ८ गतेसम्म ७१ जना सुरक्षाकर्मी परिचालन गरी नष्ट गरिएको हो । सो क्रममा ३६ लाख गाँजाका विरुवा नष्ट गरिएको जनाईएको छ । राप्ती नगरपालिका वडा नं. ११ को डिटार, गाल्चन भन्ज्याङ्ग, कुचुरभित्ता, सुरकुन्डेभित्ता, मास्किडाँडा, वडा नं. १२ को कोधानवाङ गैरी, एउरालीटार, हुमपुङ, चाटराङ, कामीडाँडा, वतैलपोखरी र वडा नं. १३ को कालिटार, मेटाङक्लौ, च्योदिङ, बाङसिलिङ र कालीखोला लगायतका स्थानमा लगाईएको गाँजा नष्ट गरिएको छ । फाडानी कार्यमा दुई जना प्रहरी निरीक्षक सहित ५० जना नेपाल प्रहरी र एक जना प्रहरी निरीक्षक सहित २१ सशस्त्र प्रहरीको संयुक्त टोली परिचालन गरिएको थियो ।
सो क्रममा गाँजाले मानव स्वास्थ्यमा पार्ने नकारात्मक असर, कानुनी कारवाही लगायतका विषयमा स्थानीयसँग अन्तक्र्रिया गरिएको प्रहरीले जनाएको छ । जिल्लाको पहाडी क्षेत्रमा बसोबास गर्ने चेपाङ समुदायले अवैध रुपमा गाँजा खेती गर्ने गर्दछन् । गाँजा तस्करहरुले उक्त ठाउँमा आई ठूलो आर्थिक प्रलोभनमा पारेर गाँजा खेती गर्न प्रोत्साहित गर्ने गर्दछन् । चितवन र धादिङको पहाडी क्षेत्रमा लगाईएको गाँजा खेती कालो बजारमा महंगो मूल्यमा बिक्री हुने बताईन्छ । गाँजाको ओसार पसारमा समेत तस्करहरुले चेपाङ समुदायका मानिसहरुको प्रयोग तस्करहरुले गर्ने गर्दछन् ।
चितवन । प्रहरीले जिल्लाका पहाडी क्षेत्रमा करिब ५० विगाहा क्षेत्रफलमा लगाएको गाँजा नष्ट गरेको छ । राप्ती नगरपालिकाको वडा नं. ११, १२ र १३ का विभिन्न ठाउँमा लगाईएको गाँजा नष्ट गरिएको हो ।
जिल्ला प्रहरी कार्यालय चितवनले दिएको जानकारी अनुसार मसिंर ६ गतेदेखि ८ गतेसम्म ७१ जना सुरक्षाकर्मी परिचालन गरी नष्ट गरिएको हो । सो क्रममा ३६ लाख गाँजाका विरुवा नष्ट गरिएको जनाईएको छ । राप्ती नगरपालिका वडा नं. ११ को डिटार, गाल्चन भन्ज्याङ्ग, कुचुरभित्ता, सुरकुन्डेभित्ता, मास्किडाँडा, वडा नं. १२ को कोधानवाङ गैरी, एउरालीटार, हुमपुङ, चाटराङ, कामीडाँडा, वतैलपोखरी र वडा नं. १३ को कालिटार, मेटाङक्लौ, च्योदिङ, बाङसिलिङ र कालीखोला लगायतका स्थानमा लगाईएको गाँजा नष्ट गरिएको छ । फाडानी कार्यमा दुई जना प्रहरी निरीक्षक सहित ५० जना नेपाल प्रहरी र एक जना प्रहरी निरीक्षक सहित २१ सशस्त्र प्रहरीको संयुक्त टोली परिचालन गरिएको थियो ।
सो क्रममा गाँजाले मानव स्वास्थ्यमा पार्ने नकारात्मक असर, कानुनी कारवाही लगायतका विषयमा स्थानीयसँग अन्तक्र्रिया गरिएको प्रहरीले जनाएको छ । जिल्लाको पहाडी क्षेत्रमा बसोबास गर्ने चेपाङ समुदायले अवैध रुपमा गाँजा खेती गर्ने गर्दछन् । गाँजा तस्करहरुले उक्त ठाउँमा आई ठूलो आर्थिक प्रलोभनमा पारेर गाँजा खेती गर्न प्रोत्साहित गर्ने गर्दछन् । चितवन र धादिङको पहाडी क्षेत्रमा लगाईएको गाँजा खेती कालो बजारमा महंगो मूल्यमा बिक्री हुने बताईन्छ । गाँजाको ओसार पसारमा समेत तस्करहरुले चेपाङ समुदायका मानिसहरुको प्रयोग तस्करहरुले गर्ने गर्दछन् ।