भरतपुर अस्पतालका मेडिकल सुपरिटेन्डेण्ट पाण्डेद्वारा राजीनामा

चितवन । भरतपुर अस्पतलाका प्रमुख मेडिकल सुपरिटेन्डेण्ट डा. राजन पाण्डेले दुई महिनामा मै राजीनामा दिनुभएको छ । गत भदौ २८ गतेदेखि हाजिर हुनु भएका उहाँले आज बुधबार राजीनामा दिनुभएको हो ।

उहाँले जिम्मेवारीबाट पछि हट्दै स्वास्थ्य मन्त्रालयमा राजीनामा दिनुभएको हो। अस्पताल भित्रको राजनीतिक खिचातानीको कारण उहाँले राजीनामा दिएको बताईएको छ । आफूलाई व्यवस्थापनको काममा रुचि नभएका कारण राजीनामा दिएको उहाँको भनाई छ । आफू बिरामीको उपचारमा नै लाग्ने उहाँले बताउनुभयो ।