नेकपा सचिवालय बैठक बस्ने समय पारेर प्रधानमन्त्रीले बोलाउनुभयो मन्त्रिपरिषद् बैठक

काठमाण्डौं । बुधबारका लागि तोकिएको सत्तारुढ नेकपा सचिवालय बैठकलाई चुनौती दिँदै प्रधानमन्त्री केपी शर्मा ओलीले मन्त्रिपपरिषद् बैठक बताउनु भएको छ।प्रधानमन्त्रीले मंगलबार राति अबेर बुधबार मन्त्रीहरुलाई सूचना दिएर दिउँसो १ बजेका लागि मन्त्रिपरिषद् बैठक बोलाउनु भएको हो । पाँच दिनअघि बसेको सचिवालय बैठकले पनि सोही समयमा बैठक निधो गरेको थियो ।

प्रधानमन्त्री तथा मन्त्रिपरिषद् कार्यालयका अनुसार राति पौने १० बजे मन्त्रिपरिषद् बैठक तय भएको हो । नेकपा सचिवालय बैठक सार्न अध्यक्षसमेत रहेका प्रधानमन्त्री ओलीको प्रस्तावमा दाहाल सहमत नभएपछि सोही समयमा मन्त्रिपरिषद् बैठक बोलाइएको हो । मन्त्रिपरिषदमा प्रधानमन्त्रीसहित सचिवालय सदस्यहरु महासचिव विष्णु पौडेल, ईश्वर पोखरेल र रामबहादुर थापा मन्त्री हुनुहुन्छ ।