भरतपुरको गोन्द्राङदेखि पुल्चोकसम्मको सडक स्तरोन्नतीको काम सुरु
न्युजभित्तो/२५ कार्तिक २०७७, मंगलवार २१:११
चितवन । भरतपुर महानगरपालिकाको मुख्य नगर क्षेत्रमा पर्ने पूर्ब–पश्चिम राजमार्ग अन्तर्गत नारायणगढको पुल्चोकदेखि गोन्द्राङसम्मको सडक स्तरोन्नतीको काम सुरु भएको छ । सडक निर्माणको वोलपत्र सकार गरेको इण्डो सगुन जेभीले काम सुरु गरेको हो ।
डिभिजन सडक कार्यालय भरतपुरका सूचना अधिकारी ई. शिव खनालका अनुसार ठेकेदार कम्पनीले सर्भेको काम सुरु गरेको छ । यससँगै सडकको छेउमा रहेका रुख, पोल लगायत हटाउने काम अघि बढाईदै छ । कार्यालयसँग असोज २६ गते सगुनले २८ महिनामा सम्पन्न गर्ने गरी सम्झौता गरेको हो । खनालका अनुसार रु १ अर्ब १२ करोडमा स्तरउन्नती गर्न लागिएको सडकको लम्बाई ६ किलोमिटर लामो छ । सडकले ओगटेको चौडाई ५० मिटरको पूरै भागलाई प्रयोगमा ल्याएर ६ लेन सडक निर्माण गरिने छ ।
हाल सो सडकको ७ देखि १७ मिटरसम्म फराकिलो कालोपत्रे रहेको छ । मुख्य शहरी क्षेत्रमा चार लेन कालोपत्रे रहेको छ भने अन्य भागमा दुई लेन मात्र कालोपत्रे रहेको छ । सडकको बीचमा तीन मिटर हरियालीका लागि छुट्याईएको छ भने चार लेन लामो दुरीका गाडीका लागि र छेउ–छेउमा दुई लेन स्थानीय सवारीका लागि छुट्याईएको खनालले जानकारी दिनुभयो । सवारी साधनले यात्रु झार्नका लागि व्यवस्थित ठाउँ हुनेछन् । सडकको दुवैतर्फ फुटपाथ, ढल बनाईने छ । सडकको दायाँ–बायाँ र बीचमा आकर्षक सडक बत्ती हुने छ । खनालले भन्नुभयो “सरासर काम भएमा वि.सं.२०७९ माघ १० गते भित्र सुन्दर सडक बन्नेछ ।”
झण्डै दुई वर्ष अघि भरतपुर महानगरपालिकाले आयोजना गरेको कार्यक्रममा तत्कालिन भौतिक पूर्बाधार तथा यातायात मन्त्री रघुविर महासेठले यो सडक निर्माणको घोषणा गर्नु भएको थियो । चितवन क्षेत्र नम्बर ३ का प्रतिनिधि सभा सदस्य एबं नेपाल कम्युनिष्ट पार्टी (नेकपा) का अध्यक्ष पुष्पकमल दाहाल “प्रचण्ड”, मन्त्रालयका सचिब, सडक बिभागका महानिर्देशक लगायतको उपस्थितिमा कार्यक्रम भएको थियो ।
महानगर प्रमुख रेनु दाहालले त्यसपछिको निरन्तर प्रयासपछि काम सुरु हुने अवस्थामा आई पुगेको बताउनुभयो । यो सडकले आवागमनलाई सहजसँगै महानगरको सौन्दर्यता बढाउने भएकाले आफुले पहल कदमी लिएको उहाँको भनाई छ । यो सडक बनेसँगै महानगरको नारायणगढ र भरतपुर क्षेत्र व्यवस्थित हुने छ । भरतपुर महानगरको मुख्य शहरी क्षेत्र हुँदै जाने उक्त सडकको काम पूरा भएमा महानगरको विकासको झल्को पूर्वपश्चिम राजमार्गमा यात्रा गर्ने यात्रुले समेत पाउनेछन् ।
चितवन । भरतपुर महानगरपालिकाको मुख्य नगर क्षेत्रमा पर्ने पूर्ब–पश्चिम राजमार्ग अन्तर्गत नारायणगढको पुल्चोकदेखि गोन्द्राङसम्मको सडक स्तरोन्नतीको काम सुरु भएको छ । सडक निर्माणको वोलपत्र सकार गरेको इण्डो सगुन जेभीले काम सुरु गरेको हो ।
डिभिजन सडक कार्यालय भरतपुरका सूचना अधिकारी ई. शिव खनालका अनुसार ठेकेदार कम्पनीले सर्भेको काम सुरु गरेको छ । यससँगै सडकको छेउमा रहेका रुख, पोल लगायत हटाउने काम अघि बढाईदै छ । कार्यालयसँग असोज २६ गते सगुनले २८ महिनामा सम्पन्न गर्ने गरी सम्झौता गरेको हो । खनालका अनुसार रु १ अर्ब १२ करोडमा स्तरउन्नती गर्न लागिएको सडकको लम्बाई ६ किलोमिटर लामो छ । सडकले ओगटेको चौडाई ५० मिटरको पूरै भागलाई प्रयोगमा ल्याएर ६ लेन सडक निर्माण गरिने छ ।
हाल सो सडकको ७ देखि १७ मिटरसम्म फराकिलो कालोपत्रे रहेको छ । मुख्य शहरी क्षेत्रमा चार लेन कालोपत्रे रहेको छ भने अन्य भागमा दुई लेन मात्र कालोपत्रे रहेको छ । सडकको बीचमा तीन मिटर हरियालीका लागि छुट्याईएको छ भने चार लेन लामो दुरीका गाडीका लागि र छेउ–छेउमा दुई लेन स्थानीय सवारीका लागि छुट्याईएको खनालले जानकारी दिनुभयो । सवारी साधनले यात्रु झार्नका लागि व्यवस्थित ठाउँ हुनेछन् । सडकको दुवैतर्फ फुटपाथ, ढल बनाईने छ । सडकको दायाँ–बायाँ र बीचमा आकर्षक सडक बत्ती हुने छ । खनालले भन्नुभयो “सरासर काम भएमा वि.सं.२०७९ माघ १० गते भित्र सुन्दर सडक बन्नेछ ।”
झण्डै दुई वर्ष अघि भरतपुर महानगरपालिकाले आयोजना गरेको कार्यक्रममा तत्कालिन भौतिक पूर्बाधार तथा यातायात मन्त्री रघुविर महासेठले यो सडक निर्माणको घोषणा गर्नु भएको थियो । चितवन क्षेत्र नम्बर ३ का प्रतिनिधि सभा सदस्य एबं नेपाल कम्युनिष्ट पार्टी (नेकपा) का अध्यक्ष पुष्पकमल दाहाल “प्रचण्ड”, मन्त्रालयका सचिब, सडक बिभागका महानिर्देशक लगायतको उपस्थितिमा कार्यक्रम भएको थियो ।
महानगर प्रमुख रेनु दाहालले त्यसपछिको निरन्तर प्रयासपछि काम सुरु हुने अवस्थामा आई पुगेको बताउनुभयो । यो सडकले आवागमनलाई सहजसँगै महानगरको सौन्दर्यता बढाउने भएकाले आफुले पहल कदमी लिएको उहाँको भनाई छ । यो सडक बनेसँगै महानगरको नारायणगढ र भरतपुर क्षेत्र व्यवस्थित हुने छ । भरतपुर महानगरको मुख्य शहरी क्षेत्र हुँदै जाने उक्त सडकको काम पूरा भएमा महानगरको विकासको झल्को पूर्वपश्चिम राजमार्गमा यात्रा गर्ने यात्रुले समेत पाउनेछन् ।