यो हो समाजबादको यात्रा : सामुहिक खेतीको तयारी, जग्गा चक्लाबन्दी सुरु

माडी । चितवनको माडीमा एक सय विगाहामा सामुहिक खेतीका लागि तयारी गरिएको छ । त्यसका लागि जग्गा चक्लाबन्दीको काम थालिएको छ ।

माडी नगरपालिका वडा नम्वर ८, कान्तिपुरमा सामुहिक खेतीका लागि प्रदेश सभा सदस्य रामलाल महतो, माडी नगरपालिकाकी उपप्रमुख ताराकाजी महतो, नगरपालिकाका प्रमुख प्रशासकीय अधिकृत हरिदत्त कँडेल र नेकपा माडीका नेता नारदमणी पौडेललगायत स्थानीयको उपस्थितिमा जेसीभी लगाएर जग्गा चक्लाबन्दी गर्ने कामको आइतबार सुरुवात गरिएको हो ।

सूर्योदय कृषि सहकारी संस्थाले पहिलो चरणमा एक सय बिगाहामा सामुहिक खेती गर्न लागेको हो । यसबाट कृषि उत्पादन बढ्ने, लागत कम पर्ने, रोजगारी सिर्जना हुने र कृषकहरु लाभान्वित हुने अपेक्षा गरिएको छ ।

(तस्विरहरु श्याम बिष्टको फेसबुकबाट लिइएको हो ।)

समाचारसँग सम्बन्धित थप तस्विरहरु :